Xira a terra ou o ceo?

Expo_ceosgal
Imaxe de Bardos, Osbio S.

Podes sentir como a Terra rota baixo os teus pés. Mira algunha estrela que estea baixa no horizonte. Volve a mirala uns cantos minutos despois; mudou de posición. Se miras cara o norte é máis evidente; como eixo de xiro aparente “apunta” á estrela polar a velocidade radial é maior nas estrelas que están máis preto. E xa sabemos que a estrela polar está ao norte.

Pero, como podemos diferenciar que se move a Terra e non o ceo? Pensar nas estrelas como situadas nunha esfera celeste de radio indefinido co noso planeta no centro foi un dos primeiros modelos cosmolóxicos dos antigos gregos, probablemente a conta de Eudoxo de Cnido. Aínda que xa Aristarco de Samos definira un modelo diferente co Sol no centro, non foi ata a revolución copernicana que se asentou a imaxe dun planeta en rotación xirando ao redor do Sol.

A primeira evidencia absoluta de que a Terra rota sobre si mesma debeuse a Foucault e a demostración do seu péndulo abalando de xeito libre. O plano de oscilación do péndulo xira solidariamente coa rotación terrestre, como podemos ver no modelo da Casa das Ciencias da Coruña. Na imaxe de hoxe, o péndulo acompañan a unha foto do noso calendario dos Ceos Galegos.

Visita a exposición de Ceos Galegos na Casa das Ciencias da Coruña.

Poderías gostar de...

Un cometa sobre a catedral?

As apariencias enganan, unha vez máis. A imaxe parece amosar un cometa sobre a catedral de Santiago de Compostela cunha atmosfera postapocalíptica con esa cor

Oito minutos de meteoro

Iso foi o que captou o noso colaborador. Na choiva de meteoros das xemínidas destes días pasaron oitos minutos entre a primeira imaxe e a

Un billón de estrelas

En realidade, nesta imaxe hai moitas máis. Ese é o número de estrelas estimado para a galaxia de Andrómeda, que enche a foto. A veciña

Procura

Subscríbete!

Ceos Galegos 2024