Un río escuro e unha estrela vermella no ceo

Créditos da imaxe: Pablo J. Martínez Alemparte

Esa cor laranxa está provocada por unha estrela vermella superxigante, Antares, na constelación do Escorpión. A súa luz é esparexida polo po presente provocando esa cor. Porén, cara á esquerda parece saír un río Escuro debido a presenza de moito hidróxeno e gas molecular que consegue bloquear toda a luz das estrelas que están por detrás. Estímase que está a unha distancia duns 500 anos luz. Pero por riba de Antares albiscamos unha nebulosa azul debido a que o material refracta de forma preferente esa cor procedente da estrela dobre Rho Ophiuchi, azul brillante. Xusto á dereita de Antares hai un cúmulo globular denominado M4, un dos obxectos máis antigos que os astrofísicos poden datar de xeito directo nuns 12 mil millones de anos, situándose nos bordos da nosa galaxia a uns 7 000 anos luz de distancia.

A imaxe foi realizada  apartires de 10 tomas individuais de 300 segundos, mediante cámara acoplada a telescopio con seguemento rotacional, cunha sensibilidade de ISO 800 e F 2.8. Adicionalmente outras tomas para correccións (Darks e Bias). O lugar de realización foi o alto de Fontefría (A Cañiza, Pontevedra), un observatorio habitual para astrónomos galegos. Todo iso o domingo de hai dúas semanas.

Poderías gostar de...

Un cometa sobre a catedral?

As apariencias enganan, unha vez máis. A imaxe parece amosar un cometa sobre a catedral de Santiago de Compostela cunha atmosfera postapocalíptica con esa cor

Oito minutos de meteoro

Iso foi o que captou o noso colaborador. Na choiva de meteoros das xemínidas destes días pasaron oitos minutos entre a primeira imaxe e a

Un billón de estrelas

En realidade, nesta imaxe hai moitas máis. Ese é o número de estrelas estimado para a galaxia de Andrómeda, que enche a foto. A veciña

Procura

Subscríbete!

Ceos Galegos 2024

2 comentarios en “Un río escuro e unha estrela vermella no ceo”

Os comentarios están pechados.