Un espectáculo de balde no ceo

Share on facebook
Share on twitter
Share on linkedin
Share on whatsapp
Share on telegram

Créditos: Alfredo Madrigal

O ceo a simple vista é un espectáculo. E de balde. Ao alcance de todos, sen distinción de idade, condición social ou educación. O simple feito de ollar as estrelas é algo fermoso. Se ademais distinguimos esquemas recoñecibles a satisfacción persoal aumenta. E todo o que sexa distinguir estruturas cósmicas conéctanos dalgún xeito co universo.

Todo o que ollamos a simple vista nun ceo escuro desde o noso país pertence á galaxia da Vía Láctea, agás un borrancho do ceo. Esa nube abrancuzada que atravesa o ceo, máis espectacular no inverno se cabe, e o plano galáctico. Se puidéramos viaxar fóra da nosa galaxia veríamos unha estrutura de brazos espirais retortos ao redor dun centro, co Sol situado máis ou menos na metade dun deses brazos. Por riba, por baixo, á esquerda, á dereita, por diante ou por tras do Sol hai unha chea de estrelas, pois o universo é tridimensional. Pero se ollamos cara o centro da galaxia ou na mesma dirección na que está o plano principal hai moitas máis estrelas e moito po e moito hidróxeno que esparexe a luz estelar. Igual que as raiolas que entran polas regandixas dunha persiana da habitación e vemos o po que flota no aire. Esa é a nube que distinguimos no ceo e que chamamos Vía Láctea ou Camiño de Santiago. A nosa veciñanza estelar.

Esta imaxe é realmente unha panorámica formada por 12 fotos individuais unidas cunha aplicación informática, de aí o aspecto de arco que amosa a nosa galaxia. Cada unha das fotos requiriu 20 segundos de exposición cunha cámara fotográfica réflex ubicada nun trípode. Iso fai que, en realidade, na imaxe aparezan máis estrelas que as que veríamos a simple vista. E por baixo da Vía Láctea está o río Oitabén (Fornelos de Montes e Pontecaldelas).

Share on facebook
Share on twitter
Share on linkedin
Share on whatsapp
Share on telegram

Poderías gostar de...

Para que vale unha eclipse lunar?

A resposta curta: para nada. A resposta menos curta: o espectáculo é sempre fermoso. Neste caso, foi unha eclipse parcial, pero tratar de vela entre

A contra luar

Para facer boas fotos é preciso: boa cámara, sentido estético e matemáticas. As matemáticas son útiles en todos os aspectos da vida. Sen saber trigonometría

Un novo mensaxeiro cósmico

O cometa da imaxe descubriuse hai menos de dous meses. O máis abraiante é que o descubriu un astrónomo amador xaponés. Aínda hai espazo para

Procura

Subscríbete!

Ceos Galegos 2023

1 comentario en “Un espectáculo de balde no ceo”

Os comentarios están pechados.