Todas as cores do solpor

Share on facebook
Share on twitter
Share on linkedin
Share on whatsapp
Share on telegram

Créditos: Óscar Blanco

Por que o ceo é azul? Por que o no solpor o ceo se volve vermello? Por que este ceo ten unhas cores tan variadas? Por que…? A resposta pode ser moi simple usando un tecnicismo: polo esparexemento Rayleigh, ou pode ser máis complexa, explicando con profusión de detalles o que pasa.

A luz do sol é branca, aínda que o sol é  amarelo. Pero esa luz branca está composta por varias cores no seu interior, cada unha con propiedades diferentes (lonxitude de onda e frecuencia). Vemos a descomposición da luz nun arco da vella, que non é máis que o resultado da refracción de diferente xeito das cores ao pasar polas pingas de auga que actúan como se fosen pequenos prismas. Esa é a clave, dependendo da lonxitude de onda que ten cada unha das cores que están dentro da luz branca, seguen un camiño diferente ao atravesar un medio de densidade diferente polo que se acaban separando, en vez de chegar mesturadas ata os nosos ollos. A cor azul, que ten a lonxitude de onda máis curta, esparéxese de xeito máis doado ao dar coas moléculas do aire, por iso o normal é ver o ceo azul. Só no solpor ou no mencer, cando o sol está moi baixo e a luz ten que atravesar unha capa moito máis densa de aire conséguese esparexer a cor vermella (de maior lonxitude de onda).

Na imaxe tras o solpor de marzo do ano pasado, na praia de Camariñas co faro Vilán ao fondo, vemos perfectamente ese efecto, cunha gradación de tons vermellos, brancos e azuis en función da altura.

Ah!, e no medio temos a Venus, un planeta que cando está no ceo brilla máis que calquera outra estrela (agás o propio Sol).

Esta imaxe adorna o mes de novembro do noso calendario. Se non o tes, só che quedan 15 días para que caduque.

Share on facebook
Share on twitter
Share on linkedin
Share on whatsapp
Share on telegram

Poderías gostar de...

Faro de cabo home, con mar de ardora na costa da vela e o ceo estrelado

Así no mar coma no ceo

Ás veces miras ao ceo e ves estrelas. Ás veces miras á terra e ves luces. Ás veces miras ao mar e ves… luces?

O centro do mundo, do noso mundo

Ola. Canto hai que non me ves?

Son a Noite. A Noite Escura:

como non lembrar a horta na que agroman meteoros

[ou os 5000 astros que poderías ver e non ves]?

Medir o mundo cunha regla

Se tes un martelo todo son cravos. Na Grecia clásica tiñan a xeometría. Así que todo era reducido á xeometría e as formas perfectas. De

Procura

Subscríbete!

Calendario Ceos Galegos 2021

3 comentarios en “Todas as cores do solpor”

Os comentarios están pechados.