Unha Lúa case nova

Share on facebook
Share on twitter
Share on linkedin
Share on whatsapp
Share on telegram

Créditos: Pablo J. Martínez Alemparte

O ciclo das fases da Lúa segue mes a mes. O crecente lunar segue á Lúa nova. Porén, nos primeiros días do abalo somos quen de ver o resto da Lúa cunha luz feble e tenue; chámase luz cinsenta ou cinérea. Mira a foto tomada desde a praia de Espedrigada (Vigo) o pasado día 19 e compróbao. Enxérganse os maria lunares, as zonas máis escuras, á perfección. Pero de onde provén esa luz da Lúa?

Se estiveramos na Lúa a Terra veríase case chea, case completamente alumeada polo Sol.  Precisamente é esa luz que despois de reflectirse no noso planeta volve ao noso satélite e despois de volta para ser captado polo fotógrafo. É un fenómeno coñecido desde a antigüidade. A primeira explicación case correcta escribiuna Leonardo da Vinci. No Códex Leicester aparece a súa descrición na que acerta na xeometría do fenómeno pero afirmaba erroneamente que é a luz reflectida polos océanos terrestres a que nos permite ver os mares lunares.

A luar reflíctese nun mar calmo con luces de barcos no horizonte, entre as que descata o faro de Cabo Bicos (Illa de San Martiño), e luces no ceo, como a estrela Iota Aquarii que acompaña o satélite natural.

Fotografía con 6 segundos de exposición, cámara Canon EOS60D, obxectivo EF 75/300 e ISO 1000.

Share on facebook
Share on twitter
Share on linkedin
Share on whatsapp
Share on telegram

Poderías gostar de...

Unha Lúa chea que non se ve

Na historia da humanidade saber cando a Lúa era chea foi algo fundamental. Os primeiros calendarios eran lunares, como son aínda o calendario eclesiástico, o

Para que vale unha eclipse lunar?

A resposta curta: para nada. A resposta menos curta: o espectáculo é sempre fermoso. Neste caso, foi unha eclipse parcial, pero tratar de vela entre

A contra luar

Para facer boas fotos é preciso: boa cámara, sentido estético e matemáticas. As matemáticas son útiles en todos os aspectos da vida. Sen saber trigonometría

Procura

Subscríbete!

Ceos Galegos 2023

2 comentarios en “Unha Lúa case nova”

Os comentarios están pechados.