Baixo o branco luar

Share on facebook
Share on twitter
Share on linkedin
Share on whatsapp
Share on telegram

Créditos da imaxe: Luis Vilanova

En 1765 nacía en Birmingham a Lunar Society, un encontro de industriais, filósofos naturais e intelectuais da cidade que se xuntaban a cotío para falaren de ciencia. Escolleron para as súas reunións as noites de Lúa chea. Non porque pensaran nos influxos positivos desa fase lunar nas súas mentes, senón por unha razón máis prosaica. Ao remataren o encontro sería máis doado voltar a casa por unhas rúas que non tiñan alumeado público pois o luar facilitaba o camiño. A pouco máis se pode reducir o influxo lunar (as mareas).

Na imaxe de hoxe o autor tamén notou o influxo positivo do luar. Xunto co branco coruscante da neve non era preciso o emprego de lanternas para poder moverse nesta paisaxe dos Ancares de hai uns días. Unha lúa tan brillante que só permite albiscar unhas poucas estrelas no ceo. Sirio, a máis brillante do ceo nocturno está xusto no centro por riba do pico do Campanario, coñecido entre os montañeiros coma Dous Irmáns por razóns obvias. Ampliando a imaxe enxergamos as estrelas de Orión á dereita da Lúa, cos xemelgos Cástor e Pólux á esquerda.

O monte máis grande e preto é o Cuíña, que domina esta panorámica composta a partires de catro fotografías verticais realizadas con 1,3 segundos de exposición.

Share on facebook
Share on twitter
Share on linkedin
Share on whatsapp
Share on telegram

Poderías gostar de...

Xa é primavera nos Ceos Galegos

Xa chegou a primavera ao hemisferio norte, o outono ao hemisferio sur. O equinoccio da primavera é un evento astronómico preciso que acontece ás 22:24

Un Sol con forma de estrela

Nalgunhas fotos o Sol parece unha estrela. Porque é unha estrela. De feito, os anglosaxóns aplícanlle un nome un tanto reiterativo: “sunstar” ou “sunburst”. Estamos

Forzas do ar, terra, mar e lume

Disque nesa pedrafita conflúen todas as forzas do Cosmos. Eis o fito de nome Marco do Vento, sen dúbida moi acaído. O lugar é senlleiro;

Procura

Subscríbete!

Ceos Galegos 2023

1 comentario en “Baixo o branco luar”

Os comentarios están pechados.