Un rego de leite no ceo

Share on facebook
Share on twitter
Share on linkedin
Share on whatsapp
Share on telegram

Créditos: Marcos Gestal

Camiños na terra, camiños no ceo, camiños de terra, camiños de estrelas. Velaquí un camiño de leite, tal vían na Grecia clásica e así o recolle Eratóstenes nos seus Catasterismos:

Aparece visible entre os círculos do ceo e denomínase Galaxia. Os fillos de Zeus non tiñan dereito a participar da honra do ceo a non ser que mamasen do peito da deusa Hera; din que por iso Hermes tomou a Heracles recén nado e aplicouno ao peito de Hera. E Heracles mamou do peito. Pero ao se decatar Hera afastouno bruscamente, e o chorro de leite que seguiu fluíndo a eito formou a Vía Láctea.

Hoxe sabemos que aí contamos unhas 300 000 millóns de estrelas (unha estimación coma outra calquera) xunto con nubes de po e hidróxeno que esparexen a luz estelar. Sabemos que ten forma de espiral. Pero non hai ningunha imaxe da nosa galaxia desde o exterior porque ninguén foi tan lonxe para tirar unha foto.

Baixo este arco da Vía Láctea tomada nos meses de verán érguese o faro máis moderno da costa galega, en punta Nariga. O proxecto arquitectónico pertence a César Portela, a modo de barco que desafía ao océano. Na proa érguese un Atlante obra do escultor Manuel Coia, neste caso exento de cargar co peso dos ceos no seu lombo.

A imaxe composta está creada a partires de 8 tomas entre o lusco e fusco, con 13 segundos de exposición, para obter unha imaxe na que se vexa o faro e o contorno terrestre. Outras tomas fixéronse xa coa noite pecha para captar o ceo nocturno, con 20 segundos de exposición.

Share on facebook
Share on twitter
Share on linkedin
Share on whatsapp
Share on telegram

Poderías gostar de...

A meirande cola do Sistema Solar

A cola máis grande do sistema solar pertence a un planeta. Si. O planeta é Mercurio. Non, Mercurio non é un cometa. Si, é un

Un Sol máis activo

O Sol sempre está activo. Por iso temos a súa luz e calor no noso planeta. Hai veces que está máis activo ca outras. E,

Regalos do ceo, de tres en tres

Efectos atmosféricos que abraian. Os da imaxe, máis alá do arco da vella dobre, poderían ser raios crepusculares. Pero o Sol estaba por tras do fotógrafo. Entón, que son?

Procura

Subscríbete!

Calendario Ceos Galegos 2021

3 comentarios en “Un rego de leite no ceo”

Os comentarios están pechados.