No próximo solpor mira detrás

Share on facebook
Share on twitter
Share on linkedin
Share on whatsapp
Share on telegram

Créditos da imaxe: Dani Caxete

Os solpores son fermosos. O ceo amosa un espectaculo de cores variadas e o Sol ás veces abráianos con raios de cores diferentes.

O solpor é fermoso, pero mira por detrás de ti. No horizonte contrario, se non hai nubes no ceo, gozarás dun espectáculo diferente. Unha zona escura aparece polo horizonte e vai subindo pouco a pouco. Se estás no alto do monte ata poida que deas visto que esa sombra é redondeada, pois é a propia sombra da Terra.

Cun pouco de sorte, entre a zona escura e a parte alta do ceo azul aínda alumeada polo Sol aparecerá unha franxa de cor rosada; chámase cinto de Venus. A cor rosa do ceo débese á refracción da luz solar na atmosfera polas pequenas partículas en suspensión. Na parte alta aínda domina o chamado efecto Rayleigh, coas lonxitudes de onda azuis da luz solar as dominantes. Pero na divisoria son as lonxitudes de onda que forman o rosa as que non se esparexen e prevalecen.

Curiosamente, é imposible ollar ao planeta Venus nesa zona, nunca está tan afastado da nosa estrela. Non está clara a orixe desta denominación, quizais por unha asociación da cor rosa ou morada coa feminidade que representa a deusa Venus.

Lembra que se queres ver o Cinto de Venus tes que mirar ao contrario que o solpor. E poderás descubrir tamén unha familia de porcos bravos paseando polas terras de Guitiriz (Lugo).

Share on facebook
Share on twitter
Share on linkedin
Share on whatsapp
Share on telegram

Poderías gostar de...

Historia de dous arcos

Olla a imaxe, hai dous arcos. Velos? Son reais? Pois un si. Outro non. Na terra hai un arco de pedras. Levoulle tempo formarse. Os

Fóra da caverna vai a realidade

No interior da cova hai sombras. Son a proxección da luz que entra desde o exterior. Ben sexan as raiolas solares, o luar ou as fogueiras da entrada. En todo caso, as sombras son nunha proxección da realidade.

O arqueiro mailo atlante

No faro, o Atlante parece proxectar a súa sombra sobre o ceo, no horizonte. O seu perfil de bronce parece cadrar con esa zona escura

Procura

Subscríbete!

Ceos Galegos 2023

1 comentario en “No próximo solpor mira detrás”

Os comentarios están pechados.