Nubes na Terra, nubes no ceo

Share on facebook
Share on twitter
Share on linkedin
Share on whatsapp
Share on telegram

Créditos: Alfredo Madrigal

Na Terra aparecen nubes tralo solpor. Uns poucos cumulus humilis zarrapicados por diante duns potentes nimboestratos que ameazan con cubrilo todo.

Moito máis lonxe no ceo, aparecen nubes cósmicas. A metade dereita da imaxe está dividida pola Vía Láctea, a nosa galaxia, chea de po que esparexe a luz das estrelas que alberga. Pola metade esquerda aparece unha nube luminosa: a luz zodiacal. Ben mirado, é o equivalente a Vía Láctea a nivel planetario. Débese a luz da nosa estrela esparexida polo po que abunda no plano do Sistema Solar. Por iso coincide co plano da eclíptica, a liña do ceo polo que andan os planetas e a Lúa.

Por último, na parte superior da imaxe e á dereita do centro hai unha nube máis pequerrecha pero que, en realidade, é o máis grande de toda a escena. É a galaxia de Andrómeda, milleiros de millóns de estrelas amoreadas nese borrancho.

Seguro que os autores das ruínas do primeiro plano, que hai dous milleiros de anos era un ordeado castro no monte de Santa Tegra, gozaban de vistas magníficas do ceo coma esta. Con nubes, con estrelas, con galaxias. Non sabemos como lle chamarían ás estrelas e constelacións que observaban. Pero seguro que descoñecían a nube de fotóns debida á contaminación luminosa que se ergue desde A Guarda (Pontevedra) á dereita.

Share on facebook
Share on twitter
Share on linkedin
Share on whatsapp
Share on telegram

Poderías gostar de...

Para que vale unha eclipse lunar?

A resposta curta: para nada. A resposta menos curta: o espectáculo é sempre fermoso. Neste caso, foi unha eclipse parcial, pero tratar de vela entre

A contra luar

Para facer boas fotos é preciso: boa cámara, sentido estético e matemáticas. As matemáticas son útiles en todos os aspectos da vida. Sen saber trigonometría

Un novo mensaxeiro cósmico

O cometa da imaxe descubriuse hai menos de dous meses. O máis abraiante é que o descubriu un astrónomo amador xaponés. Aínda hai espazo para

Procura

Subscríbete!

Ceos Galegos 2023

1 comentario en “Nubes na Terra, nubes no ceo”

Os comentarios están pechados.