Cando a Lúa morde ao Sol

Share on facebook
Share on twitter
Share on linkedin
Share on whatsapp
Share on telegram

Créditos: Pablo J. Martínez Alemparte

A Lúa xira ao redor da Terra. A Terra xira ao redor do Sol. O Sol xira ao redor de… xa chegaremos a iso. Ás veces, a Lúa está entre o Sol e a Terra, polo que temos unha Lúa nova. Ás veces, a Terra está entre o Sol e a Lúa, polo que temos unha Lúa chea. A luz solar pasa por riba ou por baixo nosa, porque Lúa-Terra-Sol non están en liña perfecta. Se fose así, de cada vez teriamos unha eclipse solar ou lunar.

Máis formalmente podemos dicir que o plano de rotación da Lúa ao redor da Terra e o plano de translación da Terra ao redor do Sol non coinciden, teñen entre si un ángulo de 5 graos. Por iso temos lúas novas e cheas cada mes e só de vez en cando unha eclipse, 2 ou 3 veces ao longo dun ano. Porque como os plano de rotación da Lúa tamén se move, ás veces coincide que os tres astros están aliñados perfectamente. Así pasou onte en Chile e Arxentina (tamén na Antártida, pero non conta), cunha eclipse parcial de Sol.

Así aconteceu no noso país o pasado 21 de agosto, cando a Lúa asomouse á nosa liña de visión do Sol, un pouco antes do solpor. E non foi sinxelo de observar. O noso fotógrafo tivo que subir ata o Alto da Bandeira nos Montes de Coruxo (Vigo), pois unhas néboas ameazaban a observación. Esa mancha negra do Sol en realidade é a Lúa, o seu perfil. Neste caso non temos ao océano Atlántico no horizonte, senón un mar de brétemas que o cubría por completo. E, á dereita, as illas Cíes, cubertas tamén de néboa.

Se daquela estiveramos nos EUA poderiamos ter gozado dunha eclipse total solar. Nos ceos galegos teremos que agardar un chisco.

Share on facebook
Share on twitter
Share on linkedin
Share on whatsapp
Share on telegram

Poderías gostar de...

Dous camiños, dous destinos

Arriba, no ceo, hai un camiño de estrelas. Abaixo, na terra, hai un camiño de pedras. O camiño de arriba non leva a ningures; aínda

Cita cósmica

Todo é gravidade. Ou case todo. A forza da gravidade é a que rexe os movementos no cosmos. Os planetas, as estrelas, as galaxias, os

As máis buscadas

Olla aí. Parecen nubes, sen máis. Pero non, son moito máis. Son nubes noctilucentes. As nubes más raras do noso país. De feito, apenas hai

Procura

Subscríbete!

Calendario Ceos Galegos 2021

2 comentarios en “Cando a Lúa morde ao Sol”

Os comentarios están pechados.