Un arco da vella branco

Créditos da imaxe: Dani Caxete

O arco da vella é unha proba de que a luz branca, en realidade, está composta de varias cores. Se queremos falar con máis propiedade podemos dicir que é a descomposición do espectro electromagnético da luz, aínda que isto normalmente é menos romántico. O máis habitual é ollalos en días de choiva, cando sae o Sol ás nosas costas. Porque a xeometría é importante. A fonte luminosa sempre ten que estar por tras de nós.

Pero tamén se poden ver de noite. A fin de contas, o luar non é máis que luz branca do Sol reflectida pola nosa Lúa. E se é chea mellor, pois hai máis luz. Así pasou nesta fermosa noite na mariña lucense onde o fotógrafo puido contemplar un fermoso arco branco lunar, un arco iris sen cores. Porque, ao ser noite, é máis difícil poder aprezar as cores típicas do día. Pero aí o están.

Por baixo e máis preto, aquí na terra, está a praia das Catedrais (Ribadeo). Non o parece porque non está ateigada de xente, pero si que o é, xa non eran horas pero está igual de fermosa baixo o luar.

Poderías gostar de...

Marchou o Alfredo

Pasou hai uns días, pero foi para sempre. Forma parte da media ducia de colaboradores grazas aos cales puidemos iniciar este proxecto no outono de

Eclipse de Lúa, eclipse de Sol

Van en parellas. Sabías? Hai uns días tivemos unha eclipse lunar total, o da foto. Dentro duns días teremos unha eclipse solar parcial. No primeiro,

Procura

Subscríbete!

Ceos Galegos 2025

1 comentario en “Un arco da vella branco”

Os comentarios están pechados.