Un planeta buxaina de novo

Créditos: Alfredo Madrigal

O noso planeta xira sobre si mesmo, a razón de algo menos de vinte e catro horas cada día. Este movemento chámase rotación terrestre e provoca que teñamos días e noites. Cando o noso país está de cara ao Sol é de día. Ese xiro ten lugar ao redor dun eixe imaxinario que atravesa a Terra polos polos xeográficos, norte e sur. Estes puntos son a orixe dos meridianos terrestres que, xuntos cos paralelos, son usados para as coordenadas xeográficas.

Na nosa época dáse a casualidade que o eixe terrestre apunta á estrela denominada Polaris. De aí que ao longo da noite pareza que toda o ceo xira ao redor desa estrela, provocando que as demais estrelas ao seu redor. En realidade, a estrela no Norte ou Polar fai un pequeno círculo porque non está exactamente onde apunta o eixe, senón desprazada lixeiramente. O eixe terrestre tamén xira nun movemento denominado precesión, polo que hai centos de anos era outra estrela a que marcaba o norte celeste. E a Polar estará aínda máis preto dese norte imaxinario dentro dun século.

Na imaxe, por riba dun castro aparente (no castro de Santa Tegra esta reconstrución dunha cabana é discutida por moitos expertos) podemos ollar este movemento grazas aos ronseis estelares captados pola cámara fotográfica. A imaxe foi formada a partires de 70 tomas de 25 segundos cada unha, para un total de 30 minutos de movemento.

Poderías gostar de...

Marchou o Alfredo

Pasou hai uns días, pero foi para sempre. Forma parte da media ducia de colaboradores grazas aos cales puidemos iniciar este proxecto no outono de

Eclipse de Lúa, eclipse de Sol

Van en parellas. Sabías? Hai uns días tivemos unha eclipse lunar total, o da foto. Dentro duns días teremos unha eclipse solar parcial. No primeiro,

Procura

Subscríbete!

Ceos Galegos 2025

1 comentario en “Un planeta buxaina de novo”

Os comentarios están pechados.