Unha lúa negra sobre as luces da cidade

Share on facebook
Share on twitter
Share on linkedin
Share on whatsapp
Share on telegram

Créditos: Pablo J. Martínez Alemparte

Nos últimos días do mes de febreiro, a Lúa en cuarto crecente cruzouse no camiño da estrela Aldebarán, na constelación do Touro. O que sería unha conxunción en astronomía. Aí a vemos de cor laranxa, ao carón dunha Lúa que aparece sobreexposta na imaxe dixital. Con todo, durante o mes pasado deuse a casualidade de que non houbo ningunha lúa chea. Ao durar unha luada uns 29 días e coincidir as lúas cheas no 31 de xaneiro e o 1 de marzo produciuse esta casualidade. Noutras culturas recibe o nome de “lúa moura” ou negra, que non é máis que un xeito de ensarillar un tema que só existe pola arbitrariedade do calendario gregoriano. A fin de contas, unha “lúa moura” (Dark Moon) é máis un concepto que un fenómeno astronómico; non hai xeito de fotografar unha “non-Lúa chea” no mes de febreiro.

Neste ceo tipicamente invernal, a pesares do gran foco de contaminación luminosa producido pola cidade de Vigo, destaca na parte inferior central a estrela Sirio, a máis brillante do ceo nocturno. Cara arriba e á dereita vai aparecendo a constelación de Orión, o guerreiro da mitoloxía grega que no seu ombreiro dereito leva unha estrela avermellada; Betelgueuse.

Desde os máis de 600 metros de altura do Faro de Domaio, o punto máis alto da península do Morrazo (Moaña), domínase toda a ría de Vigo.

Share on facebook
Share on twitter
Share on linkedin
Share on whatsapp
Share on telegram

Poderías gostar de...

Xa é primavera nos Ceos Galegos

Xa chegou a primavera ao hemisferio norte, o outono ao hemisferio sur. O equinoccio da primavera é un evento astronómico preciso que acontece ás 22:24

Un Sol con forma de estrela

Nalgunhas fotos o Sol parece unha estrela. Porque é unha estrela. De feito, os anglosaxóns aplícanlle un nome un tanto reiterativo: “sunstar” ou “sunburst”. Estamos

Forzas do ar, terra, mar e lume

Disque nesa pedrafita conflúen todas as forzas do Cosmos. Eis o fito de nome Marco do Vento, sen dúbida moi acaído. O lugar é senlleiro;

Procura

Subscríbete!

Ceos Galegos 2023