Mercurio, Venus, a Lúa maila Terra

Share on facebook
Share on twitter
Share on linkedin
Share on whatsapp
Share on telegram

Créditos da imaxe: Fins Eirexas

Entre borrasca e borrasca, aí aparecen tralo solpor. Ao primeiro domina a Lúa no primeiro día do seu mes lunar, con só o 1% de iluminación. Fixándote ben podes ver unha tenue luz cincenta no resto do satélite, polo reflexo da luz solar no noso planeta.

Máis os protagonistas dos solpores destes días son os planetas interiores, os máis achegados ao noso Sol, Mercurio e Venus. Aí o están, formando unha preciosa conxunción planetaria co satélite natural terrestre. Venus sempre é o máis brillante, a estrela da tarde ou o luceiro do asexo, por riba e á dereita do minguante lunar. E Mercurio, sempre fuxidío, no bordo superior do marco. Por uns días poderemos contemplalos despois de marchar o Sol, pero Mercurio xa está de camiño de volta para volver a agocharse na luz solar e en menos dunha semana xa non o daremos albiscado. Aproveita se tes a man uns prismáticos, cun pouco de tento poida que vexas que Venus tamén está en fase, como a nosa Lúa. Tamén o está Mercurio, pero xa resulta moito máis complicado de enxergar.

E por diante, érguense os 240 metros de granito do monte Louro (Muros, A Coruña), pechando a ría de Muros e Noia e dando inicio á Costa da Morte.

Fermosa imaxe do pasado domingo composta a partires de tres instantáneas individuais.

Share on facebook
Share on twitter
Share on linkedin
Share on whatsapp
Share on telegram

Poderías gostar de...

A nebulosa da Media Lúa

A estrela WR136 non desapareceu. Pertence a un tipo de estrelas moi estrañas denominadas Wolf-Rayet. Son estrelas moi masivas, con vidas moi frenéticas e tempestuosas

Xa é primavera nos Ceos Galegos

Xa chegou a primavera ao hemisferio norte, o outono ao hemisferio sur. O equinoccio da primavera é un evento astronómico preciso que acontece ás 22:24

Procura

Subscríbete!

Ceos Galegos 2023

2 comentarios en “Mercurio, Venus, a Lúa maila Terra”

Os comentarios están pechados.