Milagre!, no Pico Sacro

Share on facebook
Share on twitter
Share on linkedin
Share on whatsapp
Share on telegram

Créditos da imaxe: Aleixandrus

Un xogo de luz e sombras. Sol e nubes. Entre os ocos que deixan as nubes sobre o horizonte pasa a luz solar. O fenómeno producido chámase raios crepusculares. Estes raios parece que converxen nun punto que coincide coa posición do Sol. En realidade son paralelos, pero pola nosa perspectiva dá outra impresión. É o mesmo efecto que temos ao mirar como se perden os raís dunha vía do tren no horizonte xuntándose os dous carrís.

Que vexamos estes raios luminosos débese á presenza no pinguiñas de auga, po, aerosoles diversos e as propias moléculas de aire que esparexen a luz solar. O efecto medra pola presenza de nubes que bloquean a luz en certos lugares, xerando as franxas escuras que non son máis que as sombras proxectadas desas nubes.

A pesares do que indica a súa denominación non é preciso que esteamos nun amencer ou nun solpor para ollalos, aínda que neses momentos do día sexan máis frecuentes. Así reciben tamén o nome de “escada de Jacob” polas súas referencias bíblicas, e aínda hai quen prefire chamalos “efecto deus”, pola semellanza nalgunhas representacións pictóricas da aparición de todo tipo de deidades. Realmente non é máis ca un fenómeno natural que podemos gozar e, agora, un pouco máis sabendo o seu nome e a súa natureza.

Así o captou o noso fotógrafo hai un ano desde un lugar con moitas referencias milagreiras como o pico Sacro (Boqueixón, A Coruña), aínda que neste caso non aparecen nin bois nin apóstolos.

Share on facebook
Share on twitter
Share on linkedin
Share on whatsapp
Share on telegram

Poderías gostar de...

Dous camiños, dous destinos

Arriba, no ceo, hai un camiño de estrelas. Abaixo, na terra, hai un camiño de pedras. O camiño de arriba non leva a ningures; aínda

Cita cósmica

Todo é gravidade. Ou case todo. A forza da gravidade é a que rexe os movementos no cosmos. Os planetas, as estrelas, as galaxias, os

As máis buscadas

Olla aí. Parecen nubes, sen máis. Pero non, son moito máis. Son nubes noctilucentes. As nubes más raras do noso país. De feito, apenas hai

Procura

Subscríbete!

Calendario Ceos Galegos 2021

1 comentario en “Milagre!, no Pico Sacro”

Os comentarios están pechados.