Un xigante

Share on facebook
Share on twitter
Share on linkedin
Share on whatsapp
Share on telegram

Créditos da imaxe: Camilo Fumega Ucha

O noso sistema solar conta hoxe con oito planetas; cada un con características de seu. Un deles é xigantesco e gasoso. Situado en quinta posición en distancia ata o Sol, a súa gran atracción gravitacional poida que tivese protagonismo na aparición de vida na terra. Sería unha especie de eficaz escudeiro defensor de cometas, asteroides e outros penedos ameazantes exercendo sobre eles unha gran atracción.

Coñecido desde a antigüidade coma un punto brillante no ceo que vai mudando de posición ao longo do ano, recibiu o nome mitolóxico do máis importante dos deuses, Zeus para gregos, Xúpiter para romanos. Mirando por un telescopio pequeno somos quen de percibir que non só é un punto, é extenso. Xa desde un observatorio e coa técnica informática axeitada, unha noite con pouca turbulencia e unha experiencia só ao alcance dos mellores astrofotógrafos planetarios podemos obter unha imaxe marabillosa coma esta, tirada desde as terras ourensáns do Carballiño.

Aprezamos franxas nubosas de diferente coloración e unha ristra de óvalos nunha das superiores. En comparación, o tamaño do noso planeta equivale a unhas dúas ou tres veces o diámetro dun deses óvalos. Son en realidade ciclóns que circulan na zona alta da atmosfera.

Non estamos a bordo da sonda espacial Juno da NASA que anda agora por alí facendo investigacións. Entre outras, resolver de vez a estrutura do núcleo do planeta. Parece ser que non é rochoso, como se teimaba ata hai ben pouco, senón un fluído moi denso. Pero a imaxe é impactante. Precisou da gravación dun vídeo de varios minutos e despois, co programa axeitado, amorear todos os fotogramas para obter o detalle da imaxe. Xusto hai agora un ano, un 23 de maio coma este.

Share on facebook
Share on twitter
Share on linkedin
Share on whatsapp
Share on telegram

Poderías gostar de...

Para que vale unha eclipse lunar?

A resposta curta: para nada. A resposta menos curta: o espectáculo é sempre fermoso. Neste caso, foi unha eclipse parcial, pero tratar de vela entre

A contra luar

Para facer boas fotos é preciso: boa cámara, sentido estético e matemáticas. As matemáticas son útiles en todos os aspectos da vida. Sen saber trigonometría

Un novo mensaxeiro cósmico

O cometa da imaxe descubriuse hai menos de dous meses. O máis abraiante é que o descubriu un astrónomo amador xaponés. Aínda hai espazo para

Procura

Subscríbete!

Ceos Galegos 2023

3 comentarios en “Un xigante”

Os comentarios están pechados.