Círculos por riba da capela

Share on facebook
Share on twitter
Share on linkedin
Share on whatsapp
Share on telegram

Créditos da imaxe: Noa Táboas

Vaite ao alto dun monte nunha noite sen nubes. Déitate e olla ao ceo cara o norte. Sentes como o ceo xira no alto? Non, verdade? En realidade o que xira é a Terra e ti con ela pero non notas nada. Xa o explicara no seu momento Galileo Galilei co seu principio de relatividade. É imposible distinguir un movemento a velocidade constante desde o propio corpo que se está a mover. No medio da revolución copernicana que situaba ao Sol no centro do universo coa Terra xirando ao seu redor e sobre si mesma, o mesmo Galileo sentíase incapaz de deducir un xeito de verificar ese movemento rotacional.

Ao longo da noite seremos quen de detectar como o ceo parece moverse ao redor da estrela polar. Se tiramos unhas cantas fotos de longa exposición, as estrelas van deixando os seus ronseis marcando os círculos centrados en Polaris, realmente nun punto moi preto dela. Sen saír ao espazo extraterrestre, un bo xeito de demostrar de xeito absoluto que é o noso planeta o que xira e non o ceo sería cun péndulo de Foucault, pero tiveron que pasar máis de dous séculos despois das ideas galineanas.

Por baixo deste ceo en rotación está a capela de San Nomedio (ou de San Mamede) no concello das Neves (Pontevedra). Un total de 200 tomas fotográficas de 20 segundos cada unha, o que dá algo máis de unha hora de movemento na madrugada de hai unha semana. Pola dereita colouse o que parece ser un pequeno meteoro.

Share on facebook
Share on twitter
Share on linkedin
Share on whatsapp
Share on telegram

Poderías gostar de...

Xa é primavera nos Ceos Galegos

Xa chegou a primavera ao hemisferio norte, o outono ao hemisferio sur. O equinoccio da primavera é un evento astronómico preciso que acontece ás 22:24

Un Sol con forma de estrela

Nalgunhas fotos o Sol parece unha estrela. Porque é unha estrela. De feito, os anglosaxóns aplícanlle un nome un tanto reiterativo: “sunstar” ou “sunburst”. Estamos

Forzas do ar, terra, mar e lume

Disque nesa pedrafita conflúen todas as forzas do Cosmos. Eis o fito de nome Marco do Vento, sen dúbida moi acaído. O lugar é senlleiro;

Procura

Subscríbete!

Ceos Galegos 2023