Lúa lunera, lúa vermella

Share on facebook
Share on twitter
Share on linkedin
Share on whatsapp
Share on telegram

Créditos da imaxe: Ángel D. R. Arós

O pasado 27 de xullo medio planeta puido gozar do espectáculo da mecánica celeste. A Lúa atravesou a sombra que proxecta a Terra no espazo polo que deixou de recibir a luz solar. Esta é a explicación dunha eclipse lunar. Pero como a atmosfera terrestre filtra e refracta a luz do Sol, no momento da totalidade a Lúa tínguese dunha característica cor avermellada. O proceso de refracción da luz provoca que sexan os tons avermellados os que se dirixen á Lúa, nun fenómeno semellante ao que provoca a coloración dos solpores terrestres.

As eclipses de Lúa, pola súa frecuencia e extensión, case cada ano se pode ollar un desde medio planeta, captaron a atención de pensadores e científicos. Seica Tales de Mileto foi o primeiro en predicir a regularidade de eclipses (solares e lunares) no século VI a.C., quizais ao poder contar cos rexistros de eclipses anotadas polos caldeos durante os dous séculos anteriores. Tales foi tamén o primeiro en afirmar que a Lúa e alumeada polo Sol e por iso podemos vela pola noite.

A súa cor avermellada durante a fase de totalidade da eclipse, lembrando ao sangue das liortas, sen dúbida foi empregado como arma psicolóxica. Tamén a tradición sitúa a Cristóbal Colón valéndose dunha predición de eclipse lunar para fuxir da captura dunha tribo xamaicana por onde andaba a comezos do século XVI.

Para capturar esta eclipse lunar total o noso fotógrafo tivo que viaxar a terras de Lemos, pois as nubes impediron case por completo a súa observación desde o resto do país.

Share on facebook
Share on twitter
Share on linkedin
Share on whatsapp
Share on telegram

Poderías gostar de...

Comezou o outono? Depende

Astronomicamente falando, no país xa chegou o outono hai uns días. Meteoroloxicamente falando, parece que seguimos no verán, aínda que as temperaturas xa son máis

Rebentou unha estrela

— Urg! — Urg!, urg! Así dirían os Homo sapiens sapiens que, hai 10.000 anos, viron unha estrela refulxir no ceo diurno. Ou destacar moito

Sabes onde estás?

Estás perdido e non sabes onde estás? A astronomía sae ao teu rescate. Olla a foto. Só tes que procurar a estrela polar e mirar

Procura

Subscríbete!

Calendario Ceos Galegos 2022

2 comentarios en “Lúa lunera, lúa vermella”

Os comentarios están pechados.