As cores do solpor

Share on facebook
Share on twitter
Share on linkedin
Share on whatsapp
Share on telegram

Créditos: Óscar Blanco

Por que o ceo é azul? Por que o no solpor o ceo se volve vermello? Por que este ceo ten esa gradación de cores? A resposta pode ser moi simple e non dicir nada: polo esparexemento Rayleigh. Ou pode ser máis complexa e permitir entender a base física do fenómeno.

A luz do sol é branca, pero xa Isaac Newton atinou a comprender que está composta por varias cores, cada unha con propiedades diferentes (lonxitude de onda e frecuencia). Vemos a descomposición da luz nun arco da vella, que non é máis que o resultado da refracción de diferente xeito das cores ao pasar polas pingas de auga; cada pinga fai os efectos do prisma que Newton empregou nas súas experiencias. Velaí a clave, dependendo da lonxitude de onda que ten cada unha das cores do interior da luz branca, seguen un camiño diferente ao atravesar un medio de densidade diferente polo que se acaban separando, en vez de chegar mesturadas ata os nosos ollos. A cor azul, que ten a lonxitude de onda máis curta, esparéxese de xeito máis doado ao atravesar as moléculas do aire, por iso o normal é ver o ceo azul. Neste solpor, co sol moi baixo, a luz ten que atravesar unha capa moito máis densa de aire facendo que se esparexa a cor vermella (de maior lonxitude de onda).

O autor da imaxe  vén de recibir o segundo premio en “fotografías de gran campo” s no XXIII Congreso Estatal de Astronomía 2018, xusto por detrás dun compañeiro de Ceos Galegos. Na edición do noso Ceos Galegos 2018 xa publicara varias imaxes. Esta fermosa imaxe foi tirada a finais de xaneiro e estivo a piques de entrar na publicación de #CeosGalegos19 #GalicienSkies19 pola súa calidade. Pero incluímos outra imaxe do mesmo autor feita en cabo Vilán (Camariñas, A Coruña) coma esta, pero sen o faro. Imaxinas como será?

Share on facebook
Share on twitter
Share on linkedin
Share on whatsapp
Share on telegram

Poderías gostar de...

Xa é primavera nos Ceos Galegos

Xa chegou a primavera ao hemisferio norte, o outono ao hemisferio sur. O equinoccio da primavera é un evento astronómico preciso que acontece ás 22:24

Un Sol con forma de estrela

Nalgunhas fotos o Sol parece unha estrela. Porque é unha estrela. De feito, os anglosaxóns aplícanlle un nome un tanto reiterativo: “sunstar” ou “sunburst”. Estamos

Forzas do ar, terra, mar e lume

Disque nesa pedrafita conflúen todas as forzas do Cosmos. Eis o fito de nome Marco do Vento, sen dúbida moi acaído. O lugar é senlleiro;

Procura

Subscríbete!

Ceos Galegos 2023

2 comentarios en “As cores do solpor”

Os comentarios están pechados.