Camiños na terra e no ceo

Share on facebook
Share on twitter
Share on linkedin
Share on whatsapp
Share on telegram

Créditos da imaxe: Marcos Gestal

Na terra un camiño comunica a capela de Bascuas (Guitiriz, Lugo) co resto do mundo. A forma do camiño é falsa pois parte da curvatura débese á distorsión e á perspectiva da imaxe. Tiráronse varias fotos desde o mesmo lugar ao redor. Ao xuntalas dixitalmente para compoñer o mosaico proxectamos nun plano unha visión esférica.

No ceo un camiño de nubes comunica a catedral de Santiago co resto do mundo. Unha liña curva tamén falsa pois cando miramos a Vía Láctea pola noite vémola recta. Pero de novo estamos a proxectar a esfera celeste sobre un plano. Un camiño no ceo formado por nubes de po e hidróxeno que esparexen a luz dos milleiros de estrelas que contén. Un camiño que en realidade é a nosa galaxia, o lugar do Universo onde reside o noso Sol desde a súa formación. Pero é falso que seguindo este camiño nocturno cheguemos a Santiago de Compostela, por máis que un famoso libro medieval asegure o contrario.

A captura deste dobre arco celeste tivo lugar o pasado mes de xullo, precisando de 12 imaxes de 20 segundos de exposición cada unha que despois se uniron nunha soa. Tamén foi preciso tapar manualmente de vez en cando a capela para que a súa luz non dominara a escena. E foi unha imaxe que quedou fóra do noso #CeosGalegos19 #GalicianSkies19, pero incluímos outra do mesmo autor.

Share on facebook
Share on twitter
Share on linkedin
Share on whatsapp
Share on telegram

Poderías gostar de...

Xa é primavera nos Ceos Galegos

Xa chegou a primavera ao hemisferio norte, o outono ao hemisferio sur. O equinoccio da primavera é un evento astronómico preciso que acontece ás 22:24

Un Sol con forma de estrela

Nalgunhas fotos o Sol parece unha estrela. Porque é unha estrela. De feito, os anglosaxóns aplícanlle un nome un tanto reiterativo: “sunstar” ou “sunburst”. Estamos

Forzas do ar, terra, mar e lume

Disque nesa pedrafita conflúen todas as forzas do Cosmos. Eis o fito de nome Marco do Vento, sen dúbida moi acaído. O lugar é senlleiro;

Procura

Subscríbete!

Ceos Galegos 2023

1 comentario en “Camiños na terra e no ceo”

Os comentarios están pechados.