Galaxias por ducias

Share on facebook
Share on twitter
Share on linkedin
Share on whatsapp
Share on telegram

Créditos da imaxe: Alfredo Madrigal

Mira ben esa imaxe. Pode parecer que hai moitas estrelas e algún borrancho. Pois si, hai centos de estrelas que pertencen á nosa propia galaxia, a Vía Láctea. E centos de millóns de estrelas que están dentro deses borranchos que, en realidade, son galaxias. Só que nesta imaxe excelente aparecen por ducias.

Ao igual que as estrelas se agrupan para formar galaxias, as galaxias agrúpanse para formar o que se denomina cúmulos galácticos. Todas estas agrupacións implican que os seus integrantes se moven gobernados pola atracción da gravidade, a mesma atracción que nos mantén cos pés na terra.

Polo centro da imaxe e cara arriba pola esquerda aparecen varias galaxias formando unha curva. Esas galaxias están no centro do cúmulo de Virgo, unha agrupación de galaxias relacionadas pola gravidade que ten unhas 2000 integrantes. Reciben o nome de Cadea de Markarian, polo astrónomo armenio que as descubriu. Atópanse a uns 70 millóns de anos luz de distancia mirando precisamente na dirección da constelación de Virgo. Se premes na imaxe verás os nomes dalgunhas das galaxias da imaxe. Pero hai moitas máis sen etiquetar; polo menos outra ducia máis ao lonxe.

As 15 fotografías necesarias para facer esta imaxe foron tiradas na pasada primavera dende a serra da Groba e o miradoiro do Corteliño (Baiona, Pontevedra). Cada unha das imaxes requiriu un tempo de exposición de 8 minutos. Evidentemente foi necesario acoplar a cámara a un telescopio e, ademais, empregar un filtro para reducir a contaminación luminosa procedente do alumeado artificial da contorna.

Share on facebook
Share on twitter
Share on linkedin
Share on whatsapp
Share on telegram

Poderías gostar de...

Marte de gala

Inconfundible no ceo polo seu brillo avermellado e fixo, sen escintilar como as estrelas. Marte anda agora polo surleste do ceo tralo solpor, na constelación

O primeiro analema galego

O primeiro analema

Cada día, á mesma hora, está o Sol á mesma altura? Non. Cada día, á mesma hora, está o Sol na mesma vertical? Tampouco. Marcando

Cantas estrelas hai no ceo

Somos os primeiros netos da Terra que non saben ver // o Ceo do que viven pola moita luz que prenden? Démoslle volta, irmás! // Saudade, peregrinas de Eolo, velaí vai vello o Camiño // polo ceo, sobre as nubes, no val de Viveiró! (Estíbaliz…Espinosa)

Procura

Subscríbete!

Calendario Ceos Galegos 2021