O xigante que move o ceo

Share on facebook
Share on twitter
Share on linkedin
Share on whatsapp
Share on telegram

Créditos da imaxe: Fins Eirexas

Na mitoloxía grega castigábase a Atlas, un dos titáns, coa responsabilidade de soster a esfera do ceo sobre os seus ombreiros. Non temos moi claro que cosmovisión compartirían os nosos ancestros que habitaban os milleiros de castros que ateigan todo o país. Sabemos que o Monte do Pindo (Carnota, A Coruña) tiña certo carácter sagrado para eles. As formacións graníticas que posúe aínda lle dan certa singularidade xeolóxica hoxe en día. Ata o punto que moitos dos penedos teñen nome de seu, como este Xigante da Mina que fica no Chan de Lourenzo.

Por riba do xigante o ceo nocturno xira ao redor da súa cabeza, semellando ser o noso particular atlas que suxeita a esfera dos ceos. As estrelas, según avanza a noite, parecen xirar ou ao redor do polo norte celeste, moi preto da estrela polar. Hoxe sabemos que non é o ceo o que xira senón o noso planeta, a Terra, nun ciclo que provoca o paso do día e a noite. Tamén podemos ver como as estrelas teñen diferentes cores, do branco azulado ao laranxa. Esa cor das estrelas fálanos da súa temperatura, idade e composición.

Conseguir esta imaxe precisou de 25 tomas individuais tiradas cunha cámara réflex sobre un trípode, cada unha con 3 minutos de exposición e unha sensibilidade ISO 1600. Realizáronse a primeiros do mes de xullo, aínda que no noso calendario Ceos Galegos 2019 preside o mes de abril.

Share on facebook
Share on twitter
Share on linkedin
Share on whatsapp
Share on telegram

Poderías gostar de...

Un estoupido no ceo

Imaxina. Andas de caza dun bisonte coa tribo. De súpeto, no ceo aparece unha luz brillante. Non tanto coma o Sol, pero ben visible. Antes non estaba. Volves ao castro coa partida de caza, arrepiado. Comentas co chamán. Inexplicable.

A conxunción do ano

Saturno e Xúpiter. Maila Lúa, coa súa luz cincenta. E algo de contaminación luminosa. E o luar. E moito máis: unha conxunción. Dobre ou tripla.

Nin neve nin xeada

E, de súpeto, todo conxela ao teu redor. Fenómeno estraño que parece unha xeada pero non é. Fenómeno raro pois parece nevarada pero tampouco. Fenómeno

Procura

Subscríbete!

Calendario Ceos Galegos 2021

1 comentario en “O xigante que move o ceo”

Os comentarios están pechados.