Un neno astrónomo

Share on facebook
Share on twitter
Share on linkedin
Share on whatsapp
Share on telegram

Créditos da imaxe: Marco Antonio Vilar Sanlés

Velaquí una imaxe da Lúa, con todo detalle. Saliéntanse os maria, eses enormes cráteres cheos de materiais basálticos de cando o noso satélite era xeoloxicamente activo. Así, na parte inferior, de esquerda á dereita están Nectaris e Fecunditatis, con Mare Crisium afastado por terras altas e claras deles. Os grandes, de abaixo cara arriba, Tranquilitatis (onde aterrou a primeira misión humana, a Apollo 11) e Serenitatis. Algúns cráteres perfílanse moito mellor polo xogo de luces e sombras entre o bordo e o interior. Son os que están preto da liña que separa a luz da noite, chamada terminador. Aí, desde o punto de vista lunar, o Sol está baixo no horizonte.

O procedemento para unha toma coma esta non é moi complexo, co equipamento axeitado. Un pequeno telescopio no que en vez dun ocular poñemos unha cámara de fotos réflex. Un bo trípode que ature todo o peso e que estea motorizado para anular o movemento de rotación terrestre, mantendo así a imaxe da lúa sempre no centro da toma. Gravar algún vídeo, neste caso de un minuto. E despois a traballar co ordenador con aplicacións que son quen de extraer os fotogramas do vídeo e amorealos para que a imaxe teña máis nitidez e resolución. Os ceos escuros das terras barbancesas tamén axudan á calidade da imaxe.

A diferenza con outras imaxes e que desta volta todo o traballo foi feito por un neno de 7 anos, convenientemente instruído pola familia de astrofotógrafos. Así que hai canteira.

Vós lembrades quen vos meteu o verme da astronomía no corpo? Nós si. Este rapaz tamén.

Share on facebook
Share on twitter
Share on linkedin
Share on whatsapp
Share on telegram

Poderías gostar de...

Dous camiños, dous destinos

Arriba, no ceo, hai un camiño de estrelas. Abaixo, na terra, hai un camiño de pedras. O camiño de arriba non leva a ningures; aínda

Cita cósmica

Todo é gravidade. Ou case todo. A forza da gravidade é a que rexe os movementos no cosmos. Os planetas, as estrelas, as galaxias, os

As máis buscadas

Olla aí. Parecen nubes, sen máis. Pero non, son moito máis. Son nubes noctilucentes. As nubes más raras do noso país. De feito, apenas hai

Procura

Subscríbete!

Calendario Ceos Galegos 2021

1 comentario en “Un neno astrónomo”

Os comentarios están pechados.