Chega o inverno, un ano despois

Share on facebook
Share on twitter
Share on linkedin
Share on whatsapp
Share on telegram

Solsticio inverno

Créditos da imaxe: Rosa Veiga

O Sol móvese. A Terra móvese. As estrelas móvense. Todo se move. O máis evidente é o movemento diario do Sol. Pero tamén podemos comprobar que os puntos do amencer e do solpor varían ao longo do ano.

De seguro que algún dos nosos antergos, na época dos castrexos, descubriu que periodicamente o solpor tiña lugar no horizonte pasando polos mesmos cumios. E quizais decidiu marcar eses puntos dalgún xeito. Ao redor do 21 de decembro, o Sol detén o seu movemento cara o sur para comezar a poñerse, cada día, un pouco máis ao norte (cara á dereita na imaxe superior). Por iso a partir deste venres, ás 23:23, as horas diarias de luz comezan a medrar. Aquí, o abrigo do Raposo (Amoeiro) agocha un estraño petróglifo, quizais esculpido por ese antergo noso. Aquí o solpor ten lugar xusto polo cumio de San Trocado. Alí hai un castro. Á pouca distancia está a Lansbrica. Outro castro. Preto de aquí o Coto da Zarra e o Coto do Castro. Máis castros. Comeza o inverno.

Así comezaba hai un ano Ceos Galegos, este proxecto de divulgación científica e comunicación social de astronomía, xeoloxía, arqueoloxía, bioloxía, fotografía… 150 imaxes de máis de 30 fotógrafos e afeccionados. E, dentro dunhas horas, poderás votar e escoller as mellores imaxes do ano do ceo galego.

Share on facebook
Share on twitter
Share on linkedin
Share on whatsapp
Share on telegram

Poderías gostar de...

A meirande cola do Sistema Solar

A cola máis grande do sistema solar pertence a un planeta. Si. O planeta é Mercurio. Non, Mercurio non é un cometa. Si, é un

Un Sol máis activo

O Sol sempre está activo. Por iso temos a súa luz e calor no noso planeta. Hai veces que está máis activo ca outras. E,

Regalos do ceo, de tres en tres

Efectos atmosféricos que abraian. Os da imaxe, máis alá do arco da vella dobre, poderían ser raios crepusculares. Pero o Sol estaba por tras do fotógrafo. Entón, que son?

Procura

Subscríbete!

Calendario Ceos Galegos 2021

2 comentarios en “Chega o inverno, un ano despois”

Os comentarios están pechados.