A trífida maila lagoa

Share on facebook
Share on twitter
Share on linkedin
Share on whatsapp
Share on telegram

Créditos da imaxe: Pablo J. Martínez Alemparte

Esta imaxe retrata dúas nubes cósmicas que se atopan á mesma distancia: uns 5 000 anos luz. A superior recibe o nome de nebulosa Trífida ou M20, cun tamaño duns 40 anos luz de diámetro. A inferior chámase nebulosa da Lagoa ou M8 e ten un diámetro duns 100 anos luz. As dúas comparten veciñanza na constelación do Arqueiro, visible nos nosos ceos de verán.

A trífida ten unhas cores variadas debido á natureza das súas partes. Así, a rexión azulada é unha nebulosa formada por po que reflicte a luz estelar. A zona vermella está dominada pola emisión de radiación procedente de átomos de hidróxeno. Esta zona aparece dividida nas tres partes que lle confiren o seu alcume, son nebulosas escuras onde as nubes densas de po bloquean a luz das estrelas que hai por tras.

A lagoa está chea de gas quente e moitas estrelas novas. Pode verse mesmo sen telescopio, aínda que en cores grises. No seu interior albiscamos moitas estrelas brillantes como as que forman o cúmulo aberto denominado NGC 6530. Se ampliamos a imaxe distinguimos numerosos glóbulos cheíños de po, que testemuñan unha formación de estrelas aínda vixente.

A imaxe tirada desde os ceos escuros do alto de Fontefría (A Cañiza, Pontevedra), fíxose mediante cámara acoplada a telescopio refractor 80. O autor precisou de 12 tomas de 300 segundos de exposición, máis tomas adicionais de calibrado, a mediados do pasado mes de agosto. Imaxes coma esta forman parte do noso concurso para escoller a mellor imaxe do ceo con telescopio. Aínda non votaches? Hai sorteos para os votantes.

Share on facebook
Share on twitter
Share on linkedin
Share on whatsapp
Share on telegram

Poderías gostar de...

Un mar de nubes

É a curiosidade a que disipará a brétema para verte en Arousa. No luar. Estíbaliz…Espinosa en #CeosGalegos21 Sempre hai unha primeira vez. Todos tivemos unha

Unha de meigas

Créditos da imaxe: Raúl Matos Unha nube? Unha ovella? Unha meiga? Xogar a ver formas nas nubes cósmicas pode ser tan divertido como xogar a

Procura

Subscríbete!

Calendario Ceos Galegos 2021

Deixa un comentario