Mellores imaxes do ano 2018: resultados

Premios do Público

Categoría: imaxes “sen telescopio”.

• Primeiro premio: Reflexións marcianas na illa de Sálvora de Ángel D. R. Arós.
• Segundo premio: Lóstregos na Guarda de José Carlos Castro Martínez.
• Terceiro premio: A consagración da Lúa de Fins Eirexas.

Categoría: imaxes “con telescopio”.

• Primeiro premio: A nebulosa Corazón desde Arzúa de Miguel Sánchez Varela.
• Segundo premio: A galaxia Andrómeda (M31) desde as Louseiras de Marcos López Alonso.
• Terceiro premio: A nebulosa da Aguia desde Castiñeiras de Marco Antonio Vilar.

Categoría: mellor foto #NubesGalegas18.

• A Coruña desde Seixo Branco de @UxiaShinigami

Varias das imaxes (e outras que quedaron entre as 10 primeiras) aparecen impresas na edición deste ano de #CeosGalegos19 #GalicianSkies19. Aínda podes mercalo na túa libraría favorita.

Premios do xurado

Categoría “con telescopio”:

• Primeiro premio: A nebulosa Corazón desde Arzúa de Miguel Sánchez Varela. Si, o mesmo que na votación popular.
  • Comentarios do xurado: imaxe monocromática sen distraccións “RGB”. A impresión do corazón na nebulosa co mesmo nome está máis que xustificada. Unha imaxe moi ben equilibrada dun obxecto non demasiado coñecido. A calidade do sinal e a puntualidade das estrelas fan que a imaxe sexa extraordinaria.
• Segundo premio: A galaxia Andrómeda (M31) desde as Louseiras de Marcos López Alonso. De novo coincidente coa votación popular.
  • Comentarios do xurado: un obxecto clásico da astrofotografía. Quizais cunha cor non moi equilibrado, o núcleo está moi ben procesado e equilibrado. O detalle dos brazos espirais cara o interior do centro galáctico ten un detalle poucas veces visto en imaxes de afeccionado.Unha imaxe de gran campo que salienta a estética desta fermosa galaxia.
• Terceiro premio: O río negro de Rho Ophiuchi, de Alfredo Madrigal.
  • Comentarios do xurado: a beleza deste recuncho rebosa en variedade de tons aínda que as rexións de po son moi naturais. Ben resolta nesta imaxe unha mestura de nebulosas de absorción, emisión e reflexión, xunto con estrelas xigantes e cúmulos globulares, convirten a esta zona do ceo nunha das máis atractivas.
• Mención especial: A nebulosa Iris, de Pablo Martínez Alemparte.
  • Comentarios do xurado:a foto máis equilibrada. Non é un obxecto tan visto coma outros e, aínda que as estrelas saen un pouco gordas, ten un bo procesado e está tomada cun reflector (máis difícile que cun refractor APO). A pesares de ser un obxecto tan pequeno consíguense detalles que aportan un aspecto tridimensional moi real. O contraste entre a nebulosidade alumeada pola estrela do seu interior e as zonas de gas e poescuras que a arrodean fai que destaque sobre o fondo estrelado da Vía Láctea.

Categoría sen telescopio:

• Primeiro premio: a Pedra do Brazal, de Fins Eirexas. Por unanimidade do xurado.
  • Comentarios do xurado: unha imaxe que encanta. Orión, o Bucle de Barnard, Sirio, o alumeado do horizonte e a rotundidade e fraxilidade ao mesmo tempo das rochas no primeiro plano. Moi bonita.
• Segundo premio: Cortando o ceo, de José Gadea Santos.
  • Comentarios do xurado: unha idea orixinal e ben executada. Moi creativa, o xiro das coitelas abrindo a Vía Láctea e M31 compensando no recuncho. Moi evocadora.
• Tercer premio: Noite nas minas, de Julio Castro Pardo.
  • Comentarios do xurado: moi ben composta e moita calidade. O xogo das luces naturais e artificiais, coa reflexión na auga e o ardo da Vía Láctea dominando a escena fan desta unha instantánea poderosa.
• Mención especial: A pantasma dos Ancares de Luis Vilanova.
  • Comentarios do xurado: imaxe extraordinaria polo que representa. Un fenómeno moi atípico e raro de cazar.

Outras categorías:

• Categoría #PerseidasGalegas18.
  • Premio único do xurado formado por Salvador Bará e Jorge Mira para “Lúa, Venus e perseida” de Ángel D. R. Arós.
  • Premio único do público mediante votación nesta web para “Creando afección”, de Marcos Gestal.

• Categoría: mellor foto #NubesGalegas18. Premio únio do público mediante votación nesta web para A Coruña desde Seixo Branco de Uxía Vales Esteban.

Todo isto grazas aos colaboradores que aportaron produtos para os premios e á venta do noso calendario #CeosGalegos19 #GalicianSkies19. Aínda estás a tempo de facerte co teu.