Unha eclipse coruñesa

Share on facebook
Share on twitter
Share on linkedin
Share on whatsapp
Share on telegram

Créditos da imaxe: Eduardo Barro

Onte a Terra se meteu polo medio do Sol e da Lúa. Ou, mirándoo doutro xeito, a Lúa pasou polo cono de sombra que o noso planeta proxecta no universo na dirección oposta ao Sol. A eclipse lunar total durou varias horas, máis en moitos lugares viuse reducido pola meteoroloxía. Pero a paciencia ten a súa recompensa como lle pasou ao autor desta imaxe. Só 15 minutos de apertura entre nubes permitiron esta fermosa estampa xusto ao carón dun dos monumentos máis sobranceiros do país. Rematando a fase da totalidade da eclipse lunar o noso satélite aparece tinguido aínda dun vermello característico. Trátase da luz do sol que se filtra e refracta pola nosa atmosfera, facendo que cheguen a superficie lunar as cores avermelladas do espectro da luz. Pero o descenso do luar permite incluso ver estrelas ao seu carón que doutro xeito non se verían. Así, ao redor espállanse a constelación do Cangrexo. Á dereita da  Torre de Hércules estaría a constelación dos Xemelgos. Por baixo da Lúa anda o Can menor, xa fóra do plano.

Para unha toma coma esta empregáronse unha cámara Nikon D5300 e un obxectivo 70-300. Cumpriron un tempo de exposición de 2 segundos e unha sensibilidade ISO 1000.

Esta imaxe xunto a outras que estamos a recibir participará no concurso que organizamos de fotos da eclipse total de Lúa deste 21 de xaneiro.

Share on facebook
Share on twitter
Share on linkedin
Share on whatsapp
Share on telegram

Poderías gostar de...

Dous camiños, dous destinos

Arriba, no ceo, hai un camiño de estrelas. Abaixo, na terra, hai un camiño de pedras. O camiño de arriba non leva a ningures; aínda

Cita cósmica

Todo é gravidade. Ou case todo. A forza da gravidade é a que rexe os movementos no cosmos. Os planetas, as estrelas, as galaxias, os

As máis buscadas

Olla aí. Parecen nubes, sen máis. Pero non, son moito máis. Son nubes noctilucentes. As nubes más raras do noso país. De feito, apenas hai

Procura

Subscríbete!

Calendario Ceos Galegos 2021

1 comentario en “Unha eclipse coruñesa”

Os comentarios están pechados.