Un falso amencer

Share on facebook
Share on twitter
Share on linkedin
Share on whatsapp
Share on telegram

Créditos da imaxe: Eduardo Rivera

Neste horizonte da montaña ourensá hai moitas fontes luminosas. A máis evidente perfila todo o horizonte; a contaminación luminosa que resulta ubicua, incluso en lugares coma este que teñen a certificación de destino turístico Starlight. A nube luminosa que ascende cara a dereita é a nosa propia galaxia; millóns de estrelas emitindo a súa luz que resulta esparexida polo po e o hidróxeno que abunda no espazo interestelar, moito máis nesta zona que é o plano principal da nosa galaxia.

Unha terceira fonte de luz resulta máis difícil de ver. Forma un ángulo coa Vía Láctea e ascende cara a esquerda; é a luz zodiacal. Coa forma de cono alongado non é o amencer madrugador, pero tamén se debe ao Sol. É a luz da nosa estrela esparexida polo po que hai no plano da eclíptica, o plano principal no que orbitan todos os planetas do noso Sistema Solar. Tamén recibe ás veces o nome de falso amencer ou falsa alborada.

Á dereita destaca a estrela máis brillante do ceo nocturno invernal; Sirio, no Can maior.

A imaxe foi tomada na noite de Reis desde o Mirador As Tablillas en Valdín (A Veiga, Ourense). Tan completa que nos serve para dar a benvida a un novo autor ao noso proxecto que, seguro, enviará fermosas imaxes no futuro.

Tes fotos da eclipse lunar do 21 de xaneiro? Estamos a crear a galería máis completa. Sorteos e premios ás mellores.

Share on facebook
Share on twitter
Share on linkedin
Share on whatsapp
Share on telegram

Poderías gostar de...

Marte de gala

Inconfundible no ceo polo seu brillo avermellado e fixo, sen escintilar como as estrelas. Marte anda agora polo surleste do ceo tralo solpor, na constelación

O primeiro analema galego

O primeiro analema

Cada día, á mesma hora, está o Sol á mesma altura? Non. Cada día, á mesma hora, está o Sol na mesma vertical? Tampouco. Marcando

Cantas estrelas hai no ceo

Somos os primeiros netos da Terra que non saben ver // o Ceo do que viven pola moita luz que prenden? Démoslle volta, irmás! // Saudade, peregrinas de Eolo, velaí vai vello o Camiño // polo ceo, sobre as nubes, no val de Viveiró! (Estíbaliz…Espinosa)

Procura

Subscríbete!

Calendario Ceos Galegos 2021

1 comentario en “Un falso amencer”

Os comentarios están pechados.