O sorriso do ceo

Créditos da maxe: Lucía Candal

Un arco da vella ao revés, como se a atmosfera nos estivera a sorrir. O seu nome real é máis descritivo: arco circuncenital.

O inverno é tempo de frío e cristais de xeo na atmosfera. Iso provoca moitos fenómenos relacionados coa refracción solar coma os halos ou os parhelios. Quizais o arco circuncenital sexa un dos máis fermosos de todos os halos. Un sorriso etéreo que parece imposible que estea tan alto no cénit, como un arco da vella flotando no ceo. Este arco é xerado polo paso da luz solar polos cristais de xeo planos que hai nas nubes cirros altas, nun fenómeno moi parecido e asociado á presencia dos parhelios. As cores soen ser máis puras que nun arco da vella porque hai menos solapamento de refraccións. O Sol ten que ir máis baixo de 32,3º de altura para que os raios refractados poidan dar lugar a un arco circuncenital. Preto dese límite, o Sol xera un arco feble e difuso preto do cénit. Máis baixo mellora a definición e o tamaño, sendo a altura ideal de 22º. Esas foron as circunstancias que atopou a nosa autora hai quince días viaxando polos concellos de Cerceda e Culleredo (A Coruña). Presta a coller o móbil para testemuñar este fenómeno que por primeira vez recibimos no noso proxecto. A primeira imaxe, a vertical, ten o arco circumpolar na parte superior, pouco contrastado pola altura solar dese momento. Nas imaxes horizontais, planos do mesmo arco e dos parhelios que acompañaban ao evento.

Poderías gostar de...

Un cometa sobre a catedral?

As apariencias enganan, unha vez máis. A imaxe parece amosar un cometa sobre a catedral de Santiago de Compostela cunha atmosfera postapocalíptica con esa cor

Oito minutos de meteoro

Iso foi o que captou o noso colaborador. Na choiva de meteoros das xemínidas destes días pasaron oitos minutos entre a primeira imaxe e a

Un billón de estrelas

En realidade, nesta imaxe hai moitas máis. Ese é o número de estrelas estimado para a galaxia de Andrómeda, que enche a foto. A veciña

Procura

Subscríbete!

Ceos Galegos 2024