Todo o ceo

Share on facebook
Share on twitter
Share on linkedin
Share on whatsapp
Share on telegram

Créditos da imaxe: Alfredo Madrigal

Onde a Vía Láctea se perde no horizonte cadra aproximadamente co leste, na dereita, e co oeste na esquerda. Queda así a zona norte baixo o arco da nosa galaxia e o sur no extremo esquerdo da imaxe. Alí aparece outra nube luminosa que parece ter forma triangular coa base no límite da terra e espallándose cara arriba é a esquerda. No medio, destaca unha estrela que en realidade é o planeta Marte.

Que é esa luz? Chamada ás veces o falso amencer é a luz zodiacal. Unha chea de po interplanetario compartindo o plano polo que orbitan os planetas. Así, esparexe a propia luz do Sol semellando unha nube moi feble captada pola longa exposición da cámara do fotógrafo. Algo similar ao fenómeno de ver a nosa propia galaxia, só que neste caso se esparexe a luz de milleiros de estrelas pola abundancia de po intergaláctico.

Na imaxe hai moito máis, todo o ceo. Á dereita do arco da vía láctea está ben definida a constelación de Orión. Por riba dela está o cúmulo das Pléiades. No extremos superior da imaxe, algo á esquerda do centro, estrícase a galaxia de Andrómeda, deformada pola proxección da parte alta do ceo de simetría esférica nunha imaxe plana. E moito máis, o ronsel dun meteoro, outras estrelas brillantes das famosas e, sobre todo, a ubicua contaminación luminosa que todo o invade ao longo do horizonte.

Todo o ceo galego de inverno nun mosaico de 18 fotos en vertical tiradas a comezos do pasado mes de xaneiro. Realizadas cunha focal de 16 mm a f 2.8 e unha exposición cada unha de 25 segundos e sensibilidade de iso 6400.

Share on facebook
Share on twitter
Share on linkedin
Share on whatsapp
Share on telegram

Poderías gostar de...

Dous camiños, dous destinos

Arriba, no ceo, hai un camiño de estrelas. Abaixo, na terra, hai un camiño de pedras. O camiño de arriba non leva a ningures; aínda

Cita cósmica

Todo é gravidade. Ou case todo. A forza da gravidade é a que rexe os movementos no cosmos. Os planetas, as estrelas, as galaxias, os

As máis buscadas

Olla aí. Parecen nubes, sen máis. Pero non, son moito máis. Son nubes noctilucentes. As nubes más raras do noso país. De feito, apenas hai

Procura

Subscríbete!

Calendario Ceos Galegos 2021

2 comentarios en “Todo o ceo”

Os comentarios están pechados.