A agulla do ceo

Share on facebook
Share on twitter
Share on linkedin
Share on whatsapp
Share on telegram

Créditos da imaxe: Pablo J. Martínez Alemparte

Unha agulla ou un alfinete. Imposible de ver a ollo nu, pero accesible cun telescopio pequeno. Ou podes probar cuns bos prismáticos. Só hai que saber onde mirar. Neste caso, o lugar é a constelación da Cabeleira de Berenices, unha constelación con máis historia mitolóxica que presenza no ceo. Así e todo, incluso con telescopio só enxergarás unha fina nube abrancuzada.

O que é seguro é que polo ollo desta agulla celeste pasarían tanto un camelo como un rico. Porque en realidade estamos a ver unha galaxia cun diámetro duns 100 000 anos luz. Pode parecer un tamaño inmenso, que o é; pero a nosa propia Vía Láctea andará polo dobre dese diámetro.

Non temos fotos da nosa galaxia desde fóra. Nunca ninguén foi tan lonxe para fotografala. Estamos no seu interior e as distancia son enormes. Máis as medicións actuais apuntan a forma moi semellante a esta, vista de canto. É moi alongada e ten un vulto central ou bulbo, onde hai unha gran concentración de estrelas. Aprezamos unhas franxas escuras que atravesan o bulbo galáctico; son corredores de po que semellan amaollar o plano galáctico.

Se non che gusta o nome de galaxia Agulla podes chamala NGC 4565 que queda máis finoou, incluso Caldwell 38. Son denominacións que aluden a outros catálogos nos que aparece rexistrada.

O amplo eido de visión ten moitas estrelas da nosa propia Vía Láctea que se coan en primeiro plano. Pero tamén outra sorpresa en forma de galaxia: NGC 4562 (neste caso sen alcume) á esquerda, moito máis pequeniña. Por algo está máis afastada aínda que os 40 millóns de anos luz de distancia da Agulla.

Acadar esta imaxe da Agulla cósmica tan nidia levoulle ao autor 12 tomas de 5 minutos cada unha máis un par de tomas adicionais de calibrado. Empregou a súa cámara Canon EOS 550D acoplada oa telescopio reflector 200/1000 usando unha sensibilidade ISO 800. Unha noite de comezos de maio moi produtiva con outras imaxes marabillosas que iremos publicando progresivamente, tiradas desde o marabilloso miradoiro estelar da Lagoa das Tablillas (A Veiga, Ourense).

Share on facebook
Share on twitter
Share on linkedin
Share on whatsapp
Share on telegram

Poderías gostar de...

Un estoupido no ceo

Imaxina. Andas de caza dun bisonte coa tribo. De súpeto, no ceo aparece unha luz brillante. Non tanto coma o Sol, pero ben visible. Antes non estaba. Volves ao castro coa partida de caza, arrepiado. Comentas co chamán. Inexplicable.

A conxunción do ano

Saturno e Xúpiter. Maila Lúa, coa súa luz cincenta. E algo de contaminación luminosa. E o luar. E moito máis: unha conxunción. Dobre ou tripla.

Nin neve nin xeada

E, de súpeto, todo conxela ao teu redor. Fenómeno estraño que parece unha xeada pero non é. Fenómeno raro pois parece nevarada pero tampouco. Fenómeno

Procura

Subscríbete!

Calendario Ceos Galegos 2021