Un intruso no río negro

Share on facebook
Share on twitter
Share on linkedin
Share on whatsapp
Share on telegram

Créditos da imaxe: Pablo J. Martínez Alemparte

Olla a imaxe. Hai case un ano publicamos unha da mesma zona, do mesmo autor. Ves algún cambio?

Esa cor laranxa está provocada por unha estrela vermella superxigante, Antares, na constelación do Escorpión. A súa luz é esparexida polo po presente provocando esa cor. Porén, cara á esquerda parece saír un río Escuro pola presenza de moito hidróxeno e gas molecular que conseguen bloquear toda a luz das estrelas que hai detrás. Estímase que está a unha distancia duns 500 anos luz. Pero por riba de Antares albiscamos unha nebulosa de cor azul debido a que o material refracta de forma preferente esa cor procedente da estrela dobre Rho Ophiuchi, azul brillante. Xusto á dereita de Antares hai un cúmulo globular denominado M4, un dos obxectos máis antigos que os astrofísicos poden datar de xeito directo nuns 12 mil millones de anos, situándose nos bordos da nosa galaxia a uns 7 000 anos luz de distancia. No seu interior hai milleiros de estrelas moi vellas.

Pero o que máis destaca é o astro brillante da esquerda. Hai un ano non estaba aí. Agora si. Será por tanto un astro errante. E iso significa etimoloxicamenta a palabra “planeta”. Durante todo o verán teremos por aí a Xúpiter, visible como a luz máis brillante que sae polo leste tralo solpor. No medio da Vía Láctea, na constelación do Escorpión. A simple vista, ao alcance de todos. Se tes uns prismáticos e ceos escuros podes tentar ver os seus satélites.

A imaxe foi tirada a comezos do mes de maio desde o miradoiro estelar da Lagoa das Tablillas (A Veiga). O autor empregou a súa cámara Canon EOS450D xunto cun obxectivo de 70 mm, sobre un trípode especial para astronomía. Precisou de 15 imaxes de 3 minutos de exposición a ISO 800, con tomas adicionais de calibrado.

Share on facebook
Share on twitter
Share on linkedin
Share on whatsapp
Share on telegram

Poderías gostar de...

Xa é primavera nos Ceos Galegos

Xa chegou a primavera ao hemisferio norte, o outono ao hemisferio sur. O equinoccio da primavera é un evento astronómico preciso que acontece ás 22:24

Un Sol con forma de estrela

Nalgunhas fotos o Sol parece unha estrela. Porque é unha estrela. De feito, os anglosaxóns aplícanlle un nome un tanto reiterativo: “sunstar” ou “sunburst”. Estamos

Forzas do ar, terra, mar e lume

Disque nesa pedrafita conflúen todas as forzas do Cosmos. Eis o fito de nome Marco do Vento, sen dúbida moi acaído. O lugar é senlleiro;

Procura

Subscríbete!

Ceos Galegos 2023

2 comentarios en “Un intruso no río negro”

Os comentarios están pechados.