Unha árbore e moitas estrelas

Share on facebook
Share on twitter
Share on linkedin
Share on whatsapp
Share on telegram

Autor da imaxe: Enrique García

A Vía Láctea, a nosa galaxia, sobrancea o ceo. Por contra, no horizonte manda o alumeado artificial. En primeiro plano, unha resistente árbore solitaria corta o perfil do eido labrado. Quizais a vangarda da plantación que se albisca por detrás.

Estímase que a nosa galaxia agrupa un número de estrelas entre os 100 e os 400 miles de millóns. Parece moita inexactitude, pero para eses números tan grandes pouco importa. A misión espacial que realizou as medicións máis actuais, Gaia, chegou a tomar datos moi precisos de 1.700 millóns de estrelas, tantas coma árbores inventariados hai no noso país; 1.600 millóns. De todas esas estrelas nesta imaxe podemos contemplar só uns poucos milleiros. De todas esas árbores, unha.

Tamén se estima, á vista dos últimos cálculos, que pode haber 100 mil millóns de planetas. Deles, só estamos certos da existencia duns poucos milleiros. Pero a conta aumenta mes a mes. Que coñezamos máis ou menos ben, apenas os 8 do noso Sistema Solar. Que teñamos nestes momentos algún trebello humano explorándoo, só 4 (incluíndo o noso). Por exemplo, a sonda Juno que está a explorar o punto gordo na dereita da imaxe, que non é outro que Xúpiter. Que saibamos que hai vida intelixente (supostamente) só hai un. O que acolle a esa árbore solitaria.

A imaxe é dominada tamén pola contaminación luminosa do horizonte. O aeroporto de Santiago de Compostela (á esquerda) e a propia capital galega á dereita.

Traballo de equipo entre dous colaboradores para a localización, a imaxe requiriu de compoñer nunha panorámica 9 imaxes verticais tiradas cunha Canon 6D e un obxectivo a 16 mm. Cada unha das imaxes requiriu de 25 segundos de exposición para unha apertura f4 e ISO 3200.

Share on facebook
Share on twitter
Share on linkedin
Share on whatsapp
Share on telegram

Poderías gostar de...

Xa é primavera nos Ceos Galegos

Xa chegou a primavera ao hemisferio norte, o outono ao hemisferio sur. O equinoccio da primavera é un evento astronómico preciso que acontece ás 22:24

Un Sol con forma de estrela

Nalgunhas fotos o Sol parece unha estrela. Porque é unha estrela. De feito, os anglosaxóns aplícanlle un nome un tanto reiterativo: “sunstar” ou “sunburst”. Estamos

Forzas do ar, terra, mar e lume

Disque nesa pedrafita conflúen todas as forzas do Cosmos. Eis o fito de nome Marco do Vento, sen dúbida moi acaído. O lugar é senlleiro;

Procura

Subscríbete!

Ceos Galegos 2023

1 comentario en “Unha árbore e moitas estrelas”

Os comentarios están pechados.