Epistula Sisebuti

Share on facebook
Share on twitter
Share on linkedin
Share on whatsapp
Share on telegram

Créditos da imaxe: Pablo J. Martínez Alemparte

Que é unha eclipse de Lúa? Por que acontece? Que males poden provocar nas persoas? No século VII un bispo moi famoso, San Isidoro de Sevilla, recompilou todo o saber da súa época nun libro gordo chamado “De natura rerum”. O rei visigodo de turno, Sisebuto, contestoulle coa súa propia versión da mecánica celeste que permitía entender as eclipses de Lúa. Durante a primeira década dese século sucedéranse numerosas eclipses lunares e solares, parciais pero moi visibles por estar preto da totalidade. A explicación baseábase nas ideas aristotélicas do cosmos e o modelo ptolemaico, cunha Terra central e unha Lúa afastando o mundo terrenal do celeste. Pero funcionaba para comprender este fenómeno en concreto. Como curiosidade, falaban de unha pirámide de sombra proxectada pola Terra que era atravesada pola Lúa, en vez de un “cono de sombra”.

A eclipse parcial de onte, 16 de xullo de 2019, non foi tan espectacular como a total de febreiro. Pero puido gozarse en todo país entre nubes e claros, deixando unha chea de fermosas imaxes. Aquí o autor xogou cos parámetros da súa cámara para forzar a exposición. A Lúa aparece queimada e moi brillante. Por contra, permítenos aprezar os cráteres e mares da zona eclipsada pola penumbra na que se movía o satélite e, sobre todo, unhas nubes altas que lle dan á imaxe un halo tridimensional e encantador. Unha toma diferente dun experto retratador de eclipses lunares. Para observacións pouco esixentes coma esta abóndalle subir ao monte Vixiador dun Vigo cada vez máis contaminado luminosamente. Foron 4 segundos de exposición cunha cámara Sony A6000 acoplada directamente a un pequeno telescopio, empregando unha sensibilidade de ISO 1000.Tes fotos da eclipse de onte? Mándaas antes do domingo 21 de xullo e formarán parte danosa galería da eclipse lunar parcial dos Ceos Galegos. Pode ser ao través do noso formulario ou directamente ao correo fotos@ceosgalegos.com. Explícanos as circunstancias da imaxe (lugar de toma, datos técnicos, obxectos que aparezan…), equipo empregado e nome do autor con indicación das redes sociais para as oportunas mencións.

Share on facebook
Share on twitter
Share on linkedin
Share on whatsapp
Share on telegram

Poderías gostar de...

Marte de gala

Inconfundible no ceo polo seu brillo avermellado e fixo, sen escintilar como as estrelas. Marte anda agora polo surleste do ceo tralo solpor, na constelación

O primeiro analema galego

O primeiro analema

Cada día, á mesma hora, está o Sol á mesma altura? Non. Cada día, á mesma hora, está o Sol na mesma vertical? Tampouco. Marcando

Cantas estrelas hai no ceo

Somos os primeiros netos da Terra que non saben ver // o Ceo do que viven pola moita luz que prenden? Démoslle volta, irmás! // Saudade, peregrinas de Eolo, velaí vai vello o Camiño // polo ceo, sobre as nubes, no val de Viveiró! (Estíbaliz…Espinosa)

Procura

Subscríbete!

Calendario Ceos Galegos 2021

2 comentarios en “Epistula Sisebuti”

Os comentarios están pechados.