Lóstregos infernais

Share on facebook
Share on twitter
Share on linkedin
Share on whatsapp
Share on telegram

Créditos da imaxe: Miguel Baz Alonso

O ceo arde. Lóstregos e tronos enchen a noite. Na tormenta da pasada fin de semana descargaron mil cinco centos raios no ceo galego. Un proceso de reequilibrio de cargas eléctricas que xera un auténtico espectáculo natural.

As nubes están formadas por pequenas pingas de auga. No interior das nubes hai ventos moi turbulentos. As pingas de auga que están abaixo viaxan cara arriba, arrefriando ao chegar a un contorno máis frío. Ao mesmo tempo, as pingas xeadas son levadas cara abaixo polas correntes de aire. O encontro entre xeo descendente e auga ascendente fai que se arrinquen electróns, resultando na formación dunha nube con exceso de cargas negativas na parte inferior e de cargas positivas na parte superior. Así créase un campo eléctrico moi forte, onde a atmosfera actúa de aillante entre campo e nube. Cando a carga amoreada supera as propiedades aillantes da atmosfera prodúcese a descarga en forma de raio.

Estas descargas luminosas ou lóstregos seguen o camiño máis doado e achegado para liberarse. Así é habitual que haxa lóstregos no interior ou entre nubes. Pero tamén moitas veces procuran o camiño cara abaixo, buscando “tomar terra”.A imaxe deste novo colaborador recolle descargas horizontais que parecen ir de nube a nube. Pero tamén tres lóstregos que acaban impactando no océano Atlántico. Coa súa cámara Nikon D7500, empregou un tempo de exposición de 17 segundos, apertura F8 e ISO 100 desde o monte de Santa Tegra. Abaixo, o esteiro do río Miño facendo fronteira entre España e Portugal.

Share on facebook
Share on twitter
Share on linkedin
Share on whatsapp
Share on telegram

Poderías gostar de...

Xa é primavera nos Ceos Galegos

Xa chegou a primavera ao hemisferio norte, o outono ao hemisferio sur. O equinoccio da primavera é un evento astronómico preciso que acontece ás 22:24

Un Sol con forma de estrela

Nalgunhas fotos o Sol parece unha estrela. Porque é unha estrela. De feito, os anglosaxóns aplícanlle un nome un tanto reiterativo: “sunstar” ou “sunburst”. Estamos

Forzas do ar, terra, mar e lume

Disque nesa pedrafita conflúen todas as forzas do Cosmos. Eis o fito de nome Marco do Vento, sen dúbida moi acaído. O lugar é senlleiro;

Procura

Subscríbete!

Ceos Galegos 2023