O código de barras do país

Share on facebook
Share on twitter
Share on linkedin
Share on whatsapp
Share on telegram

Créditos da imaxe: Dominic Royé

O tempo é unha cousa. O clima é outra. O tempo meteorolóxico, a predición meteorolóxica, mide o inmediato, o dos vindeiros días ou semanas. O clima aprézase co paso dos anos, a repetición de patróns meteorolóxicos que permiten definir o clima dunha zona.

A percepción humana da meteoroloxía é moi subxectiva. Incluso, temos pouca memoria para lembrar como foi o tempo meteorolóxico en meses ou anos recentes. Sempre temos en mente o clima da nosa zona e comparamos. Os invernos xa non son como os de antes. Vaia forma de chover. Vai unha calor coma nunca. Mais os datos son fríos e obxectivos. Postos en contexto gañan moito e podemos extraer conclusións.

A imaxe de hoxe agrupa a temperatura media no noso país ano a ano. Dun ano para outro apenas hai cambios. Unhas décimas de temperatura que se traducen nun ton de cor lixeiramente diferente. Pero cando miramos por décadas ou afastamos a ollada e admiramos a imaxe global a tendencia é clara. Podemos aprezar como o clima de agora é diferente ao de hai un século.

O clima está a mudar. A temperatura media está a aumentar. Os factores humanos que poden provocar eses cambios na temperatura coñécense ben e son compatibles con que sexan os responsables da mudanza climática que estamos a sufrir. Tan compatibles que a ciencia demostrou ata onde se pode demostrar que a relación é directa. Hai consenso científico na súa relación causa-efecto. Hai consenso nas medidas a tomar para evitalo ou, polo menos, mitigalo. A nós apenas nos afectará. Aos nosos fillos si.

A imaxe do noso autor está realizada a partires de datos homoxeneizados e corrixidos do proxecto Berkeley Earth. O rango de temperaturas vai desde os 10,88º (o azul máis escuro) ata os 14,22º (o vermello máis escuro).

Hoxe, 27 de setembro de 2019, é a folga mundial polo clima.

Share on facebook
Share on twitter
Share on linkedin
Share on whatsapp
Share on telegram

Poderías gostar de...

Xa é primavera nos Ceos Galegos

Xa chegou a primavera ao hemisferio norte, o outono ao hemisferio sur. O equinoccio da primavera é un evento astronómico preciso que acontece ás 22:24

Un Sol con forma de estrela

Nalgunhas fotos o Sol parece unha estrela. Porque é unha estrela. De feito, os anglosaxóns aplícanlle un nome un tanto reiterativo: “sunstar” ou “sunburst”. Estamos

Forzas do ar, terra, mar e lume

Disque nesa pedrafita conflúen todas as forzas do Cosmos. Eis o fito de nome Marco do Vento, sen dúbida moi acaído. O lugar é senlleiro;

Procura

Subscríbete!

Ceos Galegos 2023