Unha Vía Láctea castrexa

Share on facebook
Share on twitter
Share on linkedin
Share on whatsapp
Share on telegram

Créditos da imaxe: Aleixandrus

A cola dun dragón, o leite derramado dunha deusa, un camiño celeste, o espiñazo dun animal, unha serpe… Moitas son as explicacións que as diferentes culturas foron dando á presenza da Vía Láctea no ceo nocturno. Non en van é o elemento que máis destaca nas noites despexadas; hoxe só en lugares afastados da contaminación luminosa. Porén non sabemos que pensarían os primeiros habitantes deste lugar, os moradores da cultura castrexa que poboaban todo o país. O recinto de pedras, as súa murallas, vivendas, rúas e prazas, dispuñan dunha fermosa paisaxe mariña polo día e do ceo pola noite.

Non foi ata a invención do telescopio e a Galileo Galilei, o primeiro en apuntalo cara esa nube celeste, que se descubriu que en realidade está formada por milleiros e milleiros de estrelas. Aínda que fora Demócrito, na antiga Grecia, quen xa o anunciara no século IV a.C., sen poder aportar ningún tipo de proba ao respecto.

Arriba, o ceo. Abaixo, en primeiro plano, o castro de Baroña (Porto do Son, A Coruña). No horizonte, baixo o alumeado público que desperdicia fotóns están os núcleos urbanos de Muros, Noira, Ribeira e os núcleos veciños destes. Sobrancea por riba o faro de  Corrubedo. E o ceo, á dereita da nosa galaxia, o planeta Xúpiter, o astro máis brillante deste ceo.

A imaxe compúxose a partires de 37 fotos individuais tiradas o pasado verán, unidas en tres fileiras para obter esta ampla panorámica. O autor empregou unha cámara réflex Sony a7III sobre un trípode fotográfico, con 20 segundos de exposición para cada imaxe cunha sensibilidade ISO 3200.

Share on facebook
Share on twitter
Share on linkedin
Share on whatsapp
Share on telegram

Poderías gostar de...

Xa é primavera nos Ceos Galegos

Xa chegou a primavera ao hemisferio norte, o outono ao hemisferio sur. O equinoccio da primavera é un evento astronómico preciso que acontece ás 22:24

Un Sol con forma de estrela

Nalgunhas fotos o Sol parece unha estrela. Porque é unha estrela. De feito, os anglosaxóns aplícanlle un nome un tanto reiterativo: “sunstar” ou “sunburst”. Estamos

Forzas do ar, terra, mar e lume

Disque nesa pedrafita conflúen todas as forzas do Cosmos. Eis o fito de nome Marco do Vento, sen dúbida moi acaído. O lugar é senlleiro;

Procura

Subscríbete!

Ceos Galegos 2023