Illas, luces e estrelas

Share on facebook
Share on twitter
Share on linkedin
Share on whatsapp
Share on telegram

Créditos da imaxe: Marcos Gestal

Ves a gaivota? Descansa nun lugar catalogado como “destino turístico Starlight”. Ves a illa da imaxe? Forma parte dun espazo catalogado como “destino turístico Starlight”. Ves o ceo? As estrelas, a Vía Láctea, os planetas (Xúpiter e Saturno)… son o obxectivo da declaración Starlight: preservar a observación do ceo nocturno coma un dereito da humanidade. Por nós e polos nosos herdeiros. A gaivota, o lugar no que descansa, a illa, forman parte do Parque Nacional das Illas Atlánticas. No ano 2016 recibiron o certificado de “destino turístico Starlight”. Atrás quedaron anos de medicións da contaminación luminosa feita po ducias de amadores das estrelas, cartos gastados en informes e certificacións, diversos produtos turísticos creados a partires desa declaración.

O ciclo día e noite é vital para a maior parte dos seres vivos que habitan este planeta. Incluso para as persoas; o descubrimento do ciclo cicardiano valeu o premio Nobel de Medicina do ano 2017. Temos dereito á electricidade e á luz. Pero tamén temos dereito á escuridade. A contemplación do ceo estrelado, da Vía Láctea, das constelacións, dos planetas… só son unha parte dese dereito. Quizais pareza un capricho, a pesares de que nese ceo nocturno están moitas das claves da historia da humanidade. Desde poder orientarnos noutros tempos nos que non había satélites GPS ata a busca dunha comprensión do noso lugar no mundo. Pero afecta a moitas especies animais e vexetais que habitan o mesmo espazo ca nós.

O do fondo da imaxe é contaminación luminosa. Provén da cidade de Vigo. É unha noite de finais do mes de xullo. Ben é certo que as tres instantáneas que combina o autor para crear a panorámica precisaron de 20 segundos de exposición. Ese tempo foi necesario para obter a Vía Láctea con detalles e moitas estrelas que non veriamos a simple vista. E tamén esaxera lixeiramente a contaminación luminosa da zona costeira. Pero iso pode resultar cotián se optamos por un modelo de desenvolvemento e de turismo insostible.Temos en todo o país moitos lugares cun ceo nocturno fermoso e escuro. Tan só dúas zonas están certificadas. Conservemos o noso dereito a gozar do ceo pola noite. Ás escuras.

Share on facebook
Share on twitter
Share on linkedin
Share on whatsapp
Share on telegram

Poderías gostar de...

Unha Lúa chea que non se ve

Na historia da humanidade saber cando a Lúa era chea foi algo fundamental. Os primeiros calendarios eran lunares, como son aínda o calendario eclesiástico, o

Para que vale unha eclipse lunar?

A resposta curta: para nada. A resposta menos curta: o espectáculo é sempre fermoso. Neste caso, foi unha eclipse parcial, pero tratar de vela entre

A contra luar

Para facer boas fotos é preciso: boa cámara, sentido estético e matemáticas. As matemáticas son útiles en todos os aspectos da vida. Sen saber trigonometría

Procura

Subscríbete!

Ceos Galegos 2023

2 comentarios en “Illas, luces e estrelas”

Os comentarios están pechados.