Contos de #CeosGalegos20 (i): a praia de Augas Santas

Share on facebook
Share on twitter
Share on linkedin
Share on whatsapp
Share on telegram

Créditos da imaxe: Noa Táboas

Fotografar o ceo faise ás veces complicado. Antes, durante e despois. Na mente cismas nunha paisaxe fermosa combinada co ceo estrelado. E iso require noites escuras; e despexadas. Se a paisaxe anda pola mariña lucense o verán é unha boa opción. Pero as noites son curtas. Tanto como 5 ou 6 horas. E non pode haber Lúa chea nin fases próximas. Se queres retratar a Lúa o cuarto minguante ou crecente son xeniais. Se non queres que apareza a Lúa hai que considerar as horas de saída ou de posta lunar. Se traballas pola semana, a agardar ao sábado/domingo. E se a túa paisaxe inclúe unha praia preto duns cantís á que podes acceder só na marea baixa o tema complícase.

As túas pezas para completar o puzzle son: as fases lunares, a meteoroloxía, as noites curtes do verán, o horario laboral e as mareas. Vivir a dúas horas en coche do lugar que queres fotografar é unha dificultade engadida. O lugar soñado estaba claro: a praia de Augas Santas, máis coñecida por praia das Catedrais (Ribadeo, Lugo)

A autora da imaxe tiña planificada unha fotografía. Así que chega o venres e hai que tomar decisións. O sábado, ao saír do traballo, atravesar medio país e agardar á 1 da madrugada, cando comeza o devalo. Ir avanzando pola area mollada á procura do marco ideal e tirando algunhas imaxes. A Lúa minguante sae unhas horas despois e o mencer é sobre as 6 da madrugada. Estamos a finais de xullo. E ás 5 obtemos esta imaxe. Unha soa toma de 5 segundos de exposición a F 2.8 e sensibilidade ISO 4000.

Non era a imaxe soñada, pero valeu a portada #CeosGalegos20 #GalicianSkies20.No ceo albíscanse o cúmulo das Pléiades por riba da Lúa. No centro da imaxe a brillante estrela Capella da constelación Arturo provoca efectos estraños na lente. Adivíñase a Vía Láctea ao seu carón e na parte superior as estrelas principais de Perseo. Xa fóra da  imaxe quedarían a galaxia de Andrómeda e outros obxectos interesantes.

Share on facebook
Share on twitter
Share on linkedin
Share on whatsapp
Share on telegram

Poderías gostar de...

Dous camiños, dous destinos

Arriba, no ceo, hai un camiño de estrelas. Abaixo, na terra, hai un camiño de pedras. O camiño de arriba non leva a ningures; aínda

Cita cósmica

Todo é gravidade. Ou case todo. A forza da gravidade é a que rexe os movementos no cosmos. Os planetas, as estrelas, as galaxias, os

As máis buscadas

Olla aí. Parecen nubes, sen máis. Pero non, son moito máis. Son nubes noctilucentes. As nubes más raras do noso país. De feito, apenas hai

Procura

Subscríbete!

Calendario Ceos Galegos 2021