CeosGalegos19: premios do xurado “con telescopio”

Share on facebook
Share on twitter
Share on linkedin
Share on whatsapp
Share on telegram

Categoría “con telescopio”: obxectos de espazo fondo accesibles só mediante telescopio ou teleobxectivo. Inclúense obxectos da nosa Vía Láctea: estrelas, cúmulos, restos de supernova e outros fenómenos galácticos. Fotografía de obxectos do espazo fondo máis alá da nosa Vía Láctea, incluíndo galaxias, cúmulos galácticos, choques galácticos… O xurado do concurso anual das mellores imaxes dos Ceos Galegos 2019 acordou entregar os seguintes premios:

  • Primeiro premio: “Tesouros de Casiopea (M52 e Burbulla)” de Pablo Martínez Alemparte. O campo que cobre a imaxe é de pouco máis dun grao (equivalente a dúas lúas cheas). As tomas individuais son de 300 segundos de exposición para cada imaxe. Iso require unha posta a punto tremendamente fina. As estrelas están perfectamente guiadas. A posición no ceo de Casiopea, tan preto da polar, fai que o seguemento sexa un pesadelo.
  • Segundo premio: “NGC7000 – Nebulosa Norteamérica” de Marcos López Alonso. Diferéncianse moi ben as estrelas de diferentes magnitudes e as cores, pero sen amolar nin destacar moito sobre o fondo. Si é certo que a nebulosa aparece algo máis brillante do habitual, pero é unha foto moi equilibrada e moi natural de ollar no seu conxunto.
  • Terceiro premio. “Silmarilli” de Fins Eirexas. Non é habitual ter imaxes nas que se captan á vez esas nebulosidades de Casiopea mailo veciño Dobre Cúmulo de Perseo. O contraste de cores entre as nebulosas avermelladas e as estrelas azuladas do cúmulo conforman unha toma bonita.
Share on facebook
Share on twitter
Share on linkedin
Share on whatsapp
Share on telegram

Poderías gostar de...

A meirande cola do Sistema Solar

A cola máis grande do sistema solar pertence a un planeta. Si. O planeta é Mercurio. Non, Mercurio non é un cometa. Si, é un

Un Sol máis activo

O Sol sempre está activo. Por iso temos a súa luz e calor no noso planeta. Hai veces que está máis activo ca outras. E,

Regalos do ceo, de tres en tres

Efectos atmosféricos que abraian. Os da imaxe, máis alá do arco da vella dobre, poderían ser raios crepusculares. Pero o Sol estaba por tras do fotógrafo. Entón, que son?

Procura

Subscríbete!

Calendario Ceos Galegos 2021