Un raio azul en estéreo

Share on facebook
Share on twitter
Share on linkedin
Share on whatsapp
Share on telegram

Créditos das imaxes: Fins Eirexas (esquerda) e Antonio Costa (dereita)

O Sol é amarelo. O ceo é azul. O solpor é vermello. A luz do sol é branca. Son todas verdades a medias. Ten moito que ver cos mecanismos biolóxicos da visión humana e os mecanismos físicos da luz atravesando diversos medios. A atmosfera terrestre abráianos ás veces con fenómenos fermosos; ao coñecer a súa natureza física somos quen de explicalos de xeito sinxelo e facelos dobremente fermosos.

No solpor pode aparecer o fenómeno do raio verde. Famoso por protagonizar un libro de Jules Verne inspirado precisamente porque el mesmo o albiscou na súa visita a Vigo no século XVIII. E como Galicia é o país do raio verde, publicamos ese fenómeno nunha imaxe moi verniana o ano 2017, varias veces no ano 2018 e tamén no ano 2019 noutra paisaxe urbana icónica. Pero por que verde? Unha combinación tan complexa que abundan artigos e webs para explicalo profusamente. Aúna varios fenómenos relacionados coa refracción solar (luz branca do sol descomponse nas cores do arco da vella), a dispersión da luz pola atmosfera e o efecto de espellismo (capas máis quentes de aire que provocan que se curve o camiño das raiolas). Se ben tamén pode darse no amencer e na montaña, é máis sinxelo de ver no océano e no solpor. De aí que o noso país, territorio de occidente, teña condicións favorables.

Pero entón, pode haber raios do sol vermellos ou azuis? Pode darse tamén coa Lúa que só reflicte a luz solar? Pois si, tal e como publicamos en varias ocasións. De feito, a comezos do ano 2018 recibimos en primicia o primeiro raio azul do Sol documentado en Galicia. E daquela, no mundo, non chegaba a unha ducia os retratados.

Do que aínda non temos constancia é que o “mesmo raio” azul fora retratado por dous fotógrafos desde dous puntos da costa distintos, con apenas minutos de diferenza. O fenómeno, sen deixar de ser curioso, faise así dobremente raro. E ata daría para facer algún tipo de cálculo ou estudo sobre as condicións atmosféricas dese momento. O evento pasou o 11 de xaneiro ao solpor. Á esquerda, o raio azul nunha imaxe recurtada da orixinal cazado desde Corrubedo (Ribeira, A Coruña), preto da praia de Balieiros. O autor empregou unha cámara Nikon D600 e óptica Nikkor AIS ED 300 mm con duplicador 2X, equiv. 600 mm, sensibilidade ISO 250 e obturación 1/60 s. A hora foi exactamente ás 18:21. Á dereita, tamén recurtada da imaxe orixinal, feita na Lanzada (O Grove, Pontevedra) cunha cámara Canon PowerShot SX70 HS, sensibilidade ISO 200 e obturación 1/2050 s, xusto dous minutos despois.

Share on facebook
Share on twitter
Share on linkedin
Share on whatsapp
Share on telegram

Poderías gostar de...

A meirande cola do Sistema Solar

A cola máis grande do sistema solar pertence a un planeta. Si. O planeta é Mercurio. Non, Mercurio non é un cometa. Si, é un

Un Sol máis activo

O Sol sempre está activo. Por iso temos a súa luz e calor no noso planeta. Hai veces que está máis activo ca outras. E,

Regalos do ceo, de tres en tres

Efectos atmosféricos que abraian. Os da imaxe, máis alá do arco da vella dobre, poderían ser raios crepusculares. Pero o Sol estaba por tras do fotógrafo. Entón, que son?

Procura

Subscríbete!

Calendario Ceos Galegos 2021

1 comentario en “Un raio azul en estéreo”

  1. Hola. Muchas gracias por tan clara explicación del fenómeno y afortunadas las tierras galegas por tener en abundancia esos rayos tan espectaculares. Un saludo y un beso desde la zona centro.

Os comentarios están pechados.