O Sol, como nunca o viches

Share on facebook
Share on twitter
Share on linkedin
Share on whatsapp
Share on telegram

Créditos da imaxe: www.aristarco.org

Este é o Sol. Si, o noso Sol. A estrela que alumea os nosos días. A estrela ao redor da cal xira a Terra. Nunca a verás así. Cos teus ollos. Porque para ter esta visión do Sol cómpre empregar cun filtro especial denominado H-alfa. En caso contrario quedarías cego. De súpeto. Nunca debes mirar directamente ao Sol. Nin a simple vista nin con trebellos astronómicos ou caseiros. A non ser que estean deseñados para iso.

O Sol aparece aburrido. Non amosa nin manchas, nin prominencias, nin espículas, nin outros rasgos propios da súa actividade solar. Porque está atravesando o mínimo de actividade no seu ciclo de 11 anos aproximados. Pero se miras polo miúdo atoparás que o Sol non é liso. Está cheo de bolborotos; campos de plasma que circulan desde exterior cara o interior, bombeando material continuamente.

Este é o Sol. En H-alfa. En realidade esta é a cromosfera solar, unha das partes nas que se estrutura o Sol. Está xusto por baixo da fotosfera, a parte “visible”, a que emite a luz que chega a nós. Para obter esta imaxe emprégase un filtro especial que bloquea toda esa luz visible, a ultravioleta e a infraermella. Así evitamos danos nos ollos. Porén, deixa pasar a luz que emiten os átomos de hidróxeno cando son ionizados. Nesta zona da estrela, o único electrón do hidróxeno é arrincado, pasando a ser capturado rapidamente por outro átomo. Nese proceso, o electrón cae como nunha fervenza atravesando as diversas capas enerxéticas e emitindo os fotóns asociados. Entre os niveis 3 e 2, polos que pasa case sempre antes de acougar no nivel 1, emite esta luz característica chamada H alfa e que anda na parte vermella do espectro da luz. Por iso ten esa cor.

A imaxe foi tirada desde o patio traseiro da casa do astrónomo amador na cidade de Ourense, valéndose dun Telescopio Lunt LS60T H-alfa. Tratouse dixitalmente para aumentarlle o contraste.

Share on facebook
Share on twitter
Share on linkedin
Share on whatsapp
Share on telegram

Poderías gostar de...

Unha Lúa chea que non se ve

Na historia da humanidade saber cando a Lúa era chea foi algo fundamental. Os primeiros calendarios eran lunares, como son aínda o calendario eclesiástico, o

Para que vale unha eclipse lunar?

A resposta curta: para nada. A resposta menos curta: o espectáculo é sempre fermoso. Neste caso, foi unha eclipse parcial, pero tratar de vela entre

A contra luar

Para facer boas fotos é preciso: boa cámara, sentido estético e matemáticas. As matemáticas son útiles en todos os aspectos da vida. Sen saber trigonometría

Procura

Subscríbete!

Ceos Galegos 2023

1 comentario en “O Sol, como nunca o viches”

Os comentarios están pechados.