Tres eran tres

Share on facebook
Share on twitter
Share on linkedin
Share on whatsapp
Share on telegram

Créditos da imaxe: Marco Antonio Vilar Sanlés

As galaxias do ceo. Tres galaxias, tres universos illa, unha soa imaxe. Este trío galáctico é tan famoso na astronomía que ten nome de seu: “o triplete de Leo”. Incluso con telescopios modestos poden enxergarse as tres manchas no mesmo campo visual, parte do seu encanto. As tres son galaxias de tipo espiral, como a nosa Vía Láctea. Pero cada unha delas amosa diferentes perspectivas, polas inclinacións diferentes. Teñen cadanseu nome: NGC 3628 á esquerda, M66 abaixo á dereita e M65 arriba.

A primeira aparece de canto, pero albiscamos os corredores de po escurecedor que cortan o plano da galaxia. As outras dúas, M66 e M65, están nunha perspectiva que lles permite fachendear da súa espectacular estrutura espiral. As tres andan a interaccionar entre si pola acción da gravidade. Podemos aprezalo na estrutura algo retorta do disco de NGC 3628, pero tamén nos brazos espirais alongados de M66.

As tres galaxias ocupan no ceo o equivalente a dúas lúas cheas que, para a distancia de 30 millóns de anos luz á que están, son uns 500 milleiros de anos luz de campo.

A imaxe foi tirada desde o patio traseiro do fotógrafo en Castiñeiras (Ribeira, A Coruña) a mediados de febreiro. Precisou de 19 tomas de 300 segundos de exposición a ISO 1600 con Cámara Canon EOS 4000D acoplada directamente ao telescopio reflector Celestron 200/1000. Co posterior procesado informático pertinente.

Share on facebook
Share on twitter
Share on linkedin
Share on whatsapp
Share on telegram

Poderías gostar de...

Dous camiños, dous destinos

Arriba, no ceo, hai un camiño de estrelas. Abaixo, na terra, hai un camiño de pedras. O camiño de arriba non leva a ningures; aínda

Cita cósmica

Todo é gravidade. Ou case todo. A forza da gravidade é a que rexe os movementos no cosmos. Os planetas, as estrelas, as galaxias, os

As máis buscadas

Olla aí. Parecen nubes, sen máis. Pero non, son moito máis. Son nubes noctilucentes. As nubes más raras do noso país. De feito, apenas hai

Procura

Subscríbete!

Calendario Ceos Galegos 2021