Érase unha vez… uns asnos no ceo

Share on facebook
Share on twitter
Share on linkedin
Share on whatsapp
Share on telegram

Vai un contiño?

Cando os deuses partiron á guerra contra os Xigantes, o deus Dioniso, Hefesto e uns sátiros subiron a lombo duns asnos. Cando os Xigantes aínda non os enxergaran os asnos deron en ornear e os Xigantes, ao ouvilos, botaron a correr. En recompensa por esa acción os asnos pasaron a formar parte da constelación do Cangrexo, á zona de poñente. O Cangrexo ten dúas estrelas moi brillantes sobre a súa coiraza, que son os Asnos, e unha nebulosa que se atopa entre este e compón o chamado Presebe; semella estar flanqueado polos Asnos.

Así contaba Eratóstenes no seu “Catasterismos” a razón da existencia da constelación do Cangrexo, pouco destacada entre os Xemelgos e o León. Daba conta ademais da existencia dun dos cúmulos estelares máis achegados a nós, a só 600 anos luz. Hoxe denomínase M44 ou a Colmea, conservando tamén o nome de Presebe por razóns históricas. Aí onde pastaban os asnos do noso conto hai un milleiro de estrelas ligadas entre si pola gravidade. Nacidas probablemente na mesma nube de gas agora andan a se esparexeren polo ceo. Teñen uns 600 millóns de anos de idade, o que vén sendo a preadolescencia. Pensemos que o noso Sol ten uns 4,5 milleiros de millóns de anos.Se Eratóstenes fala deas indica que poden verse a simple vista, como unha pequena nube. Cuns simples prismáticos seriamos quen de diferenciar que hai unha chea de estrelas no seu interior. Nunha imaxe como a de hoxe podemos distinguir incluso os diferentes tipos: as xigantes vermellas e frías (tinguidas de amarelo) e a maioría de estrelas azuis e máis quentes. O autor precisou de 27 tomas de 60 segundos cada unha cunha sensibilidade ISO 1600, e tomas adicionais de calibrado. Empregou a súa cámara Canon 600D a foco primario cun telescopio newtoniano 150/750 desde os escuros ceos de Calvos (Bande, Ourense), a finais do mes pasado.

Share on facebook
Share on twitter
Share on linkedin
Share on whatsapp
Share on telegram

Poderías gostar de...

Para que vale unha eclipse lunar?

A resposta curta: para nada. A resposta menos curta: o espectáculo é sempre fermoso. Neste caso, foi unha eclipse parcial, pero tratar de vela entre

A contra luar

Para facer boas fotos é preciso: boa cámara, sentido estético e matemáticas. As matemáticas son útiles en todos os aspectos da vida. Sen saber trigonometría

Un novo mensaxeiro cósmico

O cometa da imaxe descubriuse hai menos de dous meses. O máis abraiante é que o descubriu un astrónomo amador xaponés. Aínda hai espazo para

Procura

Subscríbete!

Ceos Galegos 2023