Queremos noites escuras

Share on facebook
Share on twitter
Share on linkedin
Share on whatsapp
Share on telegram

Créditos das imaxes: Pablo J. Martínez Alemparte e Carliños Meco

A noite é escura. Na noite escura hai estrelas. Podemos ver estrelas pola noite. Se a noite é escura. Necesitamos noites escuras para descansar. E para gozar do ceo nocturno.

A noite é necesaria para animais e plantas. Moitas especies teñen a súa adaptada á escuridade. Desde morcegos a todo tipo de aves. O exceso de alumeado nocturno de cidades, aldeas, estradas, monumentos están a matar paseniñamente a moitas especies animais. O mal alumeado, incumprindo a lexislación e ata o sentido común non beneficia a ninguén, ou a case ninguén. Unha norma básica: alumear sempre cara abaixo, nunca en horizontal e moito menos cara arriba. Outra norma básica: alumear o xusto e necesario as zonas urbanas. A última: apagar o alumeado monumental e turístico cando non hai ninguén polas rúas. A natureza e os nosos petos agradeceranos.

Contemplar o ceo nocturno non é só un capricho de fotógrafos e astrónomos. Debera ser un dereito de toda a poboación. O ceo estrelecido é un espectáculo de balde, comprender o ceo axúdanos a comprender o noso lugar no mundo, na interpretación do ceo está gran parte da historia da humanidade.

Hoxe podemos comparar dúas imaxes. A primeira xa a publicamos no seu momento. A segunda pertence a un colaborador novo; está feita desde a súa terraza nunha vila costeira galega. Os equipos empregados son diferentes. Os tempos de exposición son diferentes. A sensación é que no segundo caso por moito que aumentara o tempo de exposición ou mellorara o equipamento o límite está na calidade do seu ceo, non se pode facer nada máis. Nos dous lugares das fotos a simple vista tamén veríamos cousas moi diferentes: no primeiro milleiros de estrelas, no segundo un cento, con sorte.

A primeira foi tirada desde A Veiga (Ourense), cunha Canon EOS 550D acoplada a un telescopio reflector 200/1000 con montura de seguimento. Realizou 12 tomas de 300 segundos de exposición (e algunha máis para calibración) usando unha sensibilidade de ISO 800.

A segunda desde O Grove (Pontevedra), cunha Nikon D750 acoplada a un telescopio reflector SW 150/750 cunha montura NEQ3-2. O autor tirou 26 fotos de 20 s de exposición máis tomas adicionais de calibrado, cunha sensibilidade ISO 1600.

Share on facebook
Share on twitter
Share on linkedin
Share on whatsapp
Share on telegram

Poderías gostar de...

Unha de meigas

Créditos da imaxe: Raúl Matos Unha nube? Unha ovella? Unha meiga? Xogar a ver formas nas nubes cósmicas pode ser tan divertido como xogar a

Xogando coas cores

Imaxe: Miguel Sánchez Varela. Procesado: Iago de la Fuente Vemos o invisible. Porque o que se ve nesta imaxe non se ve. Mellor dito, non

Procura

Subscríbete!

Calendario Ceos Galegos 2021

Deixa un comentario