Ronseis na terra e no ceo

Créditos da imaxe: Pablo Pérez Busto

Todo muda. Todo fica. Son tempos difíciles. Máis a Terra segue a rotar. Velaí o tes. As estrelas seguen a rotar ao redor da estrela Polar. O eixo de rotación da Terra segue a apuntar cara a estrela Polar. Ou moi preto da mesma. Unha casualidade cósmica que facilitou a navegación e as grandes viaxes nos últimos séculos. Pero non foi sempre así. O eixo da Terra ten movemento de xeu, coma unha buxaina que vai mudando a súa inclinación. Cada 26000 anos fai unha volta completa no ceo. Así, de cada vez haberá unha estrela marcando o noso norte, ou ningunha. De cando os exipcios construían as súas pirámides por aí estaba Thuban, na constelación do Dragón. Hoxe temos á Polar, e por moitos anos. Na  nosa imaxe pérdese polo extremo esquerdo, alí onde está o centro das circunferencias que van creando as estrelas.

En terra son as luces dos trens os que marcan o camiño. Sobre os seus raíles van e veñen os trens FEVE deixando as súas pegadas en forma de luces. A imaxe recibiu o segundo premio do concurso ás Mellores Imaxes Ceos Galegos 2019 por parte do xurado.O autor valeurse dunha cámara dixital, Nikon D3300, un trípode para que non se movera e uns 40 minutos de exposición. Sensibilidade a ISO 200 e f 2.8 completan os datos técnicos da imaxe captada hai un ano ao carón da praia da Rueta (Cervo, Lugo).

Poderías gostar de...

Un cometa sobre a catedral?

As apariencias enganan, unha vez máis. A imaxe parece amosar un cometa sobre a catedral de Santiago de Compostela cunha atmosfera postapocalíptica con esa cor

Oito minutos de meteoro

Iso foi o que captou o noso colaborador. Na choiva de meteoros das xemínidas destes días pasaron oitos minutos entre a primeira imaxe e a

Un billón de estrelas

En realidade, nesta imaxe hai moitas máis. Ese é o número de estrelas estimado para a galaxia de Andrómeda, que enche a foto. A veciña

Procura

Subscríbete!

Ceos Galegos 2024

1 comentario en “Ronseis na terra e no ceo”

Os comentarios están pechados.