Nubes con Lúa

Share on facebook
Share on twitter
Share on linkedin
Share on whatsapp
Share on telegram

Créditos da imaxe: Alfredo Madrigal

Mares e cráteres. Montañas e vales. Terras altas e baixas. Zonas escuras e claras. Todo iso e moito máis aparece na imaxe. Cada un dos accidentes xeográficos que vemos na imaxe ten o seu nome. Nesta toma podemos distinguir varias ducias. Atréveste? De arriba abaixo hai unhas grandes zonas escuras. A superior, redonda e illada do resto, e o Mare Crisium. O seu deiámetro é duns 550 quilómetros. Por debaixo e de esquerda á dereita aparecen catro “maria” unidos: Serenitatis, Tranquilitatis, Fecunditatis e, más pequeno e unido ao segundo, Nectaris. 

Na metade inferior arrodean ao cráter Copernicus o Mare Imbrium, por riba é esquerda, o Oceanus Procellarum, a enorme chaira escura por baixo do cráter, mailos Mare Cognitum, Nubium e Humorum á súa dereita e cara abaixo. Case todos os nomes moi meteorolóxicos.

Na parte inferior dereita desta Lúa case chea sobrancea o cráter Tycho proxectando as súas raiolas de material exectado polo meteorito caído hai uns 108 millóns de anos. Para facernos unha idea da escala, o seu diámetro e duns 85 quilómetros.

A imaxe é dunha lúa ao 98%. Aprézase na parte inferior que se albisca á perfección o seu relevo.

A foto é unha soa toma xusto no intre que a exposición permitise ver tanto a Lúa ben definida como as nubes terrestres que a arrodean. Foi a última lúa chea antes do equinoccio de primavera. O autor empregou un teleobxectivo Tamrom 150-600 mm, focal 5.5, sensibilidade ISO 400 e velocidade de obturación 1/13 s.

Share on facebook
Share on twitter
Share on linkedin
Share on whatsapp
Share on telegram

Poderías gostar de...

Dous camiños, dous destinos

Arriba, no ceo, hai un camiño de estrelas. Abaixo, na terra, hai un camiño de pedras. O camiño de arriba non leva a ningures; aínda

Cita cósmica

Todo é gravidade. Ou case todo. A forza da gravidade é a que rexe os movementos no cosmos. Os planetas, as estrelas, as galaxias, os

As máis buscadas

Olla aí. Parecen nubes, sen máis. Pero non, son moito máis. Son nubes noctilucentes. As nubes más raras do noso país. De feito, apenas hai

Procura

Subscríbete!

Calendario Ceos Galegos 2021