Luz extraterrestre

Share on facebook
Share on twitter
Share on linkedin
Share on whatsapp
Share on telegram

Créditos da imaxe: Pablo J. Martínez Alemparte

A luz zodiacal non está na nosa atmosfera. Está entre os planetas do Sistema Solar. É unha luz extraterrestre. Vén sendo un cono de luz moi feble visible unha hora despois do solpor ou antes do amencer. Xorde desde a posición do Sol baixo horizonte, subindo ao longo da eclíptica, o camiño do propio Sol (e os planetas) no noso ceo. A súa intensidade luminosa é semellante á da Vía Láctea. Hai épocas do ano nos que é máis sinxela de ver, cando a eclíptica forma un ángulo maior co horizonte. No noso hemisferio norte vai sendo tralo solpor da primavera e antes do amencer do outono.        

A explicación está na presenza de partículas de po que se atopan no plano da órbita de Xúpiter e quizais máis lonxe. A súa orixe non está clara aínda. O máis seguro é que sexa a suma de varios factores dos que se discuten: restos cometarios, refugallos de colisións de asteroides do cinto principal… En todo caso, os grans esparexen a luz solar facéndose visible incluso sen aparellos ópticos.

A imaxe foi tirada o pasado mes de febreiro desde a zona de Trevinca (A Veiga, Ourense). No medio da luz zodiacal destaca Venus, o punto máis brillante do ceo. No cumio do cono luminoso albiscamos o cúmulo das Pléiades. Á esquerda e arriba da imaxe, como non, a constelación de Orión.

O autor empregou a súa cámara Sony A6000 cun obxectivo Sigma 10-20. Fixo un disparo único de 25 s de exposición e sensibilidade ISO 3200.

Share on facebook
Share on twitter
Share on linkedin
Share on whatsapp
Share on telegram

Poderías gostar de...

A meirande cola do Sistema Solar

A cola máis grande do sistema solar pertence a un planeta. Si. O planeta é Mercurio. Non, Mercurio non é un cometa. Si, é un

Un Sol máis activo

O Sol sempre está activo. Por iso temos a súa luz e calor no noso planeta. Hai veces que está máis activo ca outras. E,

Regalos do ceo, de tres en tres

Efectos atmosféricos que abraian. Os da imaxe, máis alá do arco da vella dobre, poderían ser raios crepusculares. Pero o Sol estaba por tras do fotógrafo. Entón, que son?

Procura

Subscríbete!

Calendario Ceos Galegos 2021

1 comentario en “Luz extraterrestre”

  1. Hola. Preciosa foto. Lástima de contaminación lumínica. Un abrazo desde Madrid. 😉

Os comentarios están pechados.