Un globo, mil estrelas

Share on facebook
Share on twitter
Share on linkedin
Share on whatsapp
Share on telegram

Créditos da imaxe: Pablo J. Martínez Alemparte

Un globo, dous globos, tres globos. Aquí temos só un globo. Pero de tamaño cósmico: 10 anos luz de diámetro. O seu nome técnico é de NGC 7635, pero ten o alcume de nebulosa Burbulla. E iso é, realmente, unha burbulla no interior dun complezo de po e gas interestelar que vai sendo inchada aos poucos polos ventos de radiación cunha estrela que hai no seu interior. Esa cor avermellada de toda a zona indicanos a elevada presenza de hidróxeno gasoso, o ingrediente de formación das estrelas.

A escena aparece acompañada por un grupo de estrelas xuntiñas abaixo e á esquerda. É un cúmulo aberto denominado M52. Está formado por un milleiro de soles, aproximadamente. O espazo que ocupa ten uns 25 anos de diámetro e están á metade de distancia que a nebulosa da Burbulla. Foi descuberto polo astrónomoa francés Charles Messier a finais do xéculo XVIII, polo que está ao alcance duns prismáticos.A imaxe de hoxe é un recorte da orixinal, que foi o primeiro premio do xurado ás mellores imaxes do ceo 2019 “con telescopio”. Tirada na primavera do ano pasado, o autor requiriu de 12 tomas de 300 segundos de exposición cada unha, con tomas adicionais de calibrado. Empregou a súa cámara acoplada directamente ao telescopio refractor. Son imaxes feitas con seguimento motorizado para anular a rotación terrestre, co fin de que as estrelas aparezan como puntos e non movidas. Isto engadiu unha dificultade máis pois estes obxectos están na constelación de Casiopea, preto da estrela Polar. E aí a velocidade angular é superior a outras partes do ceo, polo que o seguimento ten que ser máis fino.

Share on facebook
Share on twitter
Share on linkedin
Share on whatsapp
Share on telegram

Poderías gostar de...

Dous camiños, dous destinos

Arriba, no ceo, hai un camiño de estrelas. Abaixo, na terra, hai un camiño de pedras. O camiño de arriba non leva a ningures; aínda

Cita cósmica

Todo é gravidade. Ou case todo. A forza da gravidade é a que rexe os movementos no cosmos. Os planetas, as estrelas, as galaxias, os

As máis buscadas

Olla aí. Parecen nubes, sen máis. Pero non, son moito máis. Son nubes noctilucentes. As nubes más raras do noso país. De feito, apenas hai

Procura

Subscríbete!

Calendario Ceos Galegos 2021