Un camiño de luz

Share on facebook
Share on twitter
Share on linkedin
Share on whatsapp
Share on telegram

Créditos da imaxe: Daniel Llamas

A Vía Láctea pérdese no horizonte, afundíndose no océano Atlántico. Aos centos de estrelas que se ven no ceo únense os milleiros da franxa central. Aínda que todas as estrelas da imaxe pertencen á mesma galaxia, a nosa. A banda nubosa marca o plano principal, onde se amorea o maior número das estrelas, po e hidróxeno. Por iso ese aspecto bretemoso que destaca nas noites estreladas.

Na terra saliéntase unha luz, a do faro do Roncudo en Corme (Ponteceso, A Coruña). Nun territorio chamado Costa da Morte eran as estrelas guía para barcos e mariñeiros. E seguen a selo, as estrelas do ceo non están sempre dispoñibles. No horizonte, á esquerda, aparece entre nubes baixas a luz artificial da vila de Laxe. De aquí alá media unha das Rías Altas, a de Corme e Laxe.A imaxe participou no noso concurso anual do ano 2019, na categoría de “xente e ceo”. Precisou de 13 instantáneas combinadas para definir tanto a paisaxe terrestre como a celeste. Foron tiradas cunha focal f/4, sensibilidade ISO 12 800 e 20 segundos de exposición. Dúas tomas adicionais foron quen de captar un vehículo indo e vindo do faro. Neste caso cunha focal f/11, ISO 400 e 50 segundos de exposición.

Share on facebook
Share on twitter
Share on linkedin
Share on whatsapp
Share on telegram

Poderías gostar de...

Forzas do ar, terra, mar e lume

Disque nesa pedrafita conflúen todas as forzas do Cosmos. Eis o fito de nome Marco do Vento, sen dúbida moi acaído. O lugar é senlleiro;

Os seis planetas á vista

Hai veces nas que o ceo nos regala espectáculos excepcionais de balde. Estes días está a pasar, por primeira vez en 20 anos. A ollo

Procura

Subscríbete!

Ceos Galegos 2023